وَسَلَّمَ حَتّٰی بَدَتْ نَوَاجِذُہُ وَقَالَ اِذْھَبْ فَاَطْعِمْہُ اَھْلَکَ یعنی رحمتِ عالَم صَلَّی اللہُ  عَلَیْہِ واٰلِہٖ وَسَلَّمَ یہ بات سُن کر  مسکرائے، یہاں تک کہ دندانِ مُبارک ظاہر ہوئے اورفرمایا :جاؤ یہ کھجوریں اپنے گھروالوں کو کھلادو (سمجھو کہ تمہارا    کَفّارہ ادا ہوگیا)۔^([1])

صَلُّوْا عَلَی الْحَبِیْب!                                                                    صَلَّی اللہُ  عَلٰی مُحَمّد

اعلیٰ حضرت،امامِ اہلسنت مولانا شاہ امام احمد رضا خان رَحْمَۃُ اللّٰہ ِ عَلَیْہ فتاویٰ رَضَوِیّہ میں اِس حدیثِ پاک کو نَقْل کرنے کے بعد مدینے کے سُلطان،رحمتِ عالمیان صَلَّی اللہُ  عَلَیْہِ واٰلِہٖ وَسَلَّمَ کی عظمت و شان بیان کرتے ہوئے فرماتے ہیں:مسلمانو ! گُناہ کا ایسا  کَفّارہ کسی نے بھی نہ سُنا ہوگا (کہ روزہ توڑنے پر ) سَوا دو مَن خُرمے،بارگاہِ سرکار صَلَّی اللہُ  عَلَیْہِ واٰلِہٖ وَسَلَّمَ سے عطا ہوتےہیں کہ خود کھالو ، کَفّارہ ہوگیا۔ وَاللہ! یہ مُحَمّدٌ رَّسُوْلُ اللہ صَلَّی اللہُ  عَلَیْہِ واٰلِہٖ وَسَلَّمَ کی بارگاہِ رحمت ہے کہ سزا کو اِنْعام سے بدل دے۔ (مزید فرماتے ہیں کہ )اُن کی ایک نگاہِ کرم کبائر (یعنی کبیرہ گناہوں)کو حَسَنات (یعنی نیکیوں میں تبدیل) کردیتی ہے جب تو اَرْحَمُ الرَّاحِمِیْن جَلَّ جَلَالُـہُ نے گنہگاروں، خطاواروں، تباہ کاروں کو اُن کا دروازہ بتایا کہ:(وَ لَوْ اَنَّهُمْ اِذْ ظَّلَمُوْۤا اَنْفُسَهُمْ جَآءُوْكَ((پ۴،النساء:۶۴)گنہگار تیرے دربار میں حاضر ہوکر مُعافی چاہیں اورتُوشفاعت فرمائے تو خُدا کو توبہ قبول کرنے والا مہربان پائیں۔^([2])

گواہی کے مُعاملے میں اِخْتِیارِ مُصْطَفٰی

اللہ  پاک نے باہمی لَین دَین کے مُعاملات میں دو (2) مَردوں کو گواہ بنانے کا حکم دیتے ہوئے پارہ 3 سُوْرَۃُ الْبَقَرَہ کی آیت نمبر 282 میں ارشاد فرمایا:

وَ اسْتَشْهِدُوْا شَهِیْدَیْنِ مِنْ رِّجَالِكُمْۚ

تَرْجَمَۂ کنز  العرفان :اور  اپنے مَردوں میں سے دو گواہ بنالو۔