تَرجَمۂ کَنزالْعِرفَان: اے مَحْبوب!تم فرمادو :جو کوئی جِبرئیل کا دُشمن ہو (تو ہو) پس بیشک اُس نے تو تمہارے دل پر اللہ  کے حکم سے یہ اُتارا ہے، جو اپنے سے پہلے موجود کتابوں کی تصدیق فرمانے والا ہے اور ایمان والوں کے لئے ہِدایت اور بَشارت ہے۔جو کوئی اللہ  اور اُس کے فرشتوں اور اُس کے رسولوں اورجبرائیل اور میکائیل کا دُشمن ہو تو اللہ  کافروں کا دُشمن ہے۔

صَلُّوا عَلَی الْحَبِیْب!                                               صَلَّی اللہُ تَعَالٰی عَلٰی مُحَمَّد

حضرت فارُوقِ اَعظم رَضِیَ اللہُ تَعَالٰی عَنْہُ  کا ذِکْرِ خیر

پیارے اسلامی بھائیو! یکم محّرمُ الحرام کو مسلمانوں کے دوسرے خلیفہ، وزیرِ مصطفےٰ، ترجمانِ نبی، ہم زبانِ نبی حضرت عمر فاروقِ اعظم رَضِیَ اللہ  عنہکا یومِ شہادت ہے۔^([1]) حضرت فاروقِ اعظم رَضِیَ اللہُ تَعَالٰی عَنْہُ  عظیمُ الشَّانِ صحابئ رسول ہیں، محبوبِ ذِیْشان، مکی مَدَنی سُلطان صَلَّی اللہ  تَعَالٰی عَلَیْہِ وَاٰلِہٖ وَسَلَّمَ  نےدُعا کی تھی: اَللّٰہُمَّ اَعِزَّ الْاِسْلَامَ بِعُمَرَ بْنِِ الْخَطَّابِ یعنی اے اللہ  پاک! عمر بن خطّاب کے ذریعے اِسلام کی عزّت میں اِضافہ فرما۔^([2]) آپ صَلَّی اللہ  تَعَالٰی عَلَیْہِ وَاٰلِہٖ وَسَلَّمَ  کی اِس دُعا کے نتیجے میں حضرت فاروقِ اعظم رَضِیَ اللہُ تَعَالٰی عَنْہُ  نے اِسلام قبول کیا، اس لئے آپ کو مُرادِ رَسول بھی کہا جاتا ہے ٭دُنیا میں آپ کا نام مبارک عمر ہے٭آسمانوں میں آپ کوفاروق کے نام سے پہچانا جاتا ہے٭آسمانی کتاب تَوْرَات شریف میں آپ کا نام مَنْطِقُ الْحَقْ (یعنی حق بات کہنے والے) ہے٭اِنجیل شریف میں آپ کا نامِ نامی کافِی ہے ٭اور جنّت