Book Name:Farooq e Azam ki Ajziyan
دوسرے بر حق خلیفہ نائبِ میرِ حجاز شوکتِ اسلام کا وہ اک نشانِ امتیاز
نامِ نامی تھا عمر جن کا، لقب فاروق تھا پیکرِ عَزم و حَمِیّت، صاف ظاہر پاکباز
وضاحت: د الله پاک د حبيب صَلَّى اللهُ عَلَيْهِ وَاٰلِهٖ وَسَلَّم دويم برحق خليفه د چا نوم چې عمر او لقب فاروق دے، د اِسلام د شان او شوکت امتيازي نخښه ده۔ هغوئي د ارادې او حوصلې، د ديني غيرت، د ظاهر او د باطن د پاکوالي آئينه دار وو۔
د نفس د شرارتونو نه ځان بچ ساتئ!
خوږو او محترمو اِسلامي وروڼو! پۀ دې کښې زمونږ د پاره هم سبق دے۔ وړومبے خو دا چې مونږ د نفس د داسې چلونو نه کله خبريږو، حال دا دے چې مونږ ګنهګاران يو * زمونږه مقام هٰغه نه دے کوم چې د حضرت عمر فاروقِ اعظم رَضِىَ اللهُ عَـنْهُ وو * زمونږه عبادتونه د هٰغې درجے نه دي د کومې درجے چې د حضرت عمر فاروقِ اعظم رَضِىَ اللهُ عَـنْهُ وو * زمونږه کردار هٰغه شان نه دے لکه څنګه چې د حضرت عمر فاروقِ اعظم رَضِىَ اللهُ عَـنْهُ وو * زمونږه اخلاق هٰغسې نه دي لکه څنګه چې د حضرت عمر فاروقِ اعظم رَضِىَ اللهُ عَـنْهُ وو * پۀ دنيائي لحاظ سره هم زمونږه مقام، مرتبه، عزت، شهرت د هٰغې درجے نه دي د کومې درجے چې د حضرت عمر فاروقِ اعظم رَضِىَ اللهُ عَـنْهُ وو، د دې باوجود زمونږه حال بے حاله دے، نفس چلونه کوي، د دې چلونو نه ځان بچ کول خو غټه خبره ده، مونږ د دې چلونو نه هډو خبريږو هم نه * زمونږ د دننه وجود نه اواز راځي چې تۀ ډير نيک يـې۔ مونږ يـې اومنو * د دننه وجود نه اواز راځي چې تۀ ډير جانداره، شانداره، عبادت ګزاره، بے مثاله يـې، مونږ يـې اومنو * نفس وائي چې تۀ پۀ لکونو کښې نه بلکې پۀ کروړونو کښې يو يـې، مونږ چپ شو او اوئې منو۔ مونږ ته هډو دا اندازه نه کيږي چې زمونږه نفس مونږه له دهوکه راکوي، زمونږه نفس مونږه پۀ ځان خوښۍ، تکبر، غرور وغيره باطني بيمارو کښې اخته کوي، چې مونږ پرې پوهيږو نۀ نو د دې عِلاج هم نه کوو۔
تاسو ته معلومه ده چې تقريباً 50 ته نزدې باطني بيماريانې دي او دا ټولې پۀ ټولې دوزخ ته بوتلونکې دي۔ عام طور د دې باطني بيمارو نومونه هم خلقو ته معلوم نه وي۔ بيا د دې تفصيل، د دې شرعي حکم، د دې نه د بچ کيدو طريقې وغيره وغيره دا ديني معلومات خو شايد چې د کمو خلقو سره وي۔
يوه اهمه خبره وکړم؟ دا ټولې باطني بيمارۍ د خيالونو نه شروع کيږي۔ مثلاً * ځان خوښي يوه باطني بيماري ده، پۀ شروع شروع کښې زمونږ پۀ ذِهن کښې صرف خيالات راځي، پۀ ذهن کښې سوچ راځي چې زۀ خو دومره ښه يم، زۀ دا هم کووم،