Book Name:Fazail-e-Makkah & Hajj
اَلْحَمْدُ لِلّٰہِ رَبِّ الْعٰلَمِیْنَ وَ الصَّلٰوۃُ وَالسَّلَامُ عَلٰی سَیِّدِ الْمُرْسَلِیْنَ ط
اَمَّا بَعْدُ فَاَعُوْذُ بِاللّٰہِ مِنَ الشَّیْطٰنِ الرَّجِیْمِ ط بِسْمِ اللہِ الرَّحْمٰنِ الرَّ حِیْم ط
فضائلِ مكه و حج
اَلصَّلٰوۃُ وَ السَّلَامُ عَلَیْكَ یَا رَسُولَ اللہ وَعَلٰی اٰلِكَ وَ اَصْحٰبِكَ یَا حَبِیْبَ اللہ
اَلصَّلٰوۃُ وَ السَّلَامُ عَلَیْكَ یَا نَبِیَّ اللہ وَعَلٰی اٰلِكَ وَ اَصْحٰبِكَ یَا نُوْرَ اللہ
نَوَيۡتُ سُنَّتَ الۡاِعۡتِكَافِ (ترجمه: ما د سُنَّتِ اعتكاف نِيَّت اوكړو)
مُحترمو اسلامي ورونړو! چې كله جُمات ته داخل شئ، نو ياد ساتئ او د اِعتِكاف نِيَّت كوئ، تر څو چې په جُمات كښې ئې نو د اِعتِكاف ثواب به مو كيږي. ياد ساتئ! جُمات كښې د خوراك څښاك، اُوده كيدلو يا پيشمني او روژه ماتي كولو، تر دې چې د آبِ زَم زَم يا دَم كړو اوبو څښلو هُم شرعاً اجازت نشته، البته كه د مخكښې نه مو د اعتكاف نِيَّت كړے وي نو دا ټول كارونه به ضِمناً جائز شي.
حضرت سَيِّدُناحفص رومي رَحْمَةُ اللهِ عَلَيْه ډير غټ سردار وو، هغوئي د وفات نه پس چا په خوب كښې اوليدلو نو تپوس ئې ترينه اوكړو: مَا فَعَلَ اللہُ بِکَ، يعنې الله پاك تاسو سره څه مُعامَله اوفرمائيله؟ جواب ئې وركړو: الله پاك په ما رحم اوكړو، زه ئې اوبخښلم او جنت ته ئې داخل كړم. تپوس ئې ترينه اوكړو: د كوم عمل په سبب؟ هغوئي جواب وركړو: چې كله د الله پاك په بارګاه كښې حاضر شوم نو الله پاك فرښتو ته حكم وركړو چې زما د ګناهونو او زما د لوستلو شوو دُرود شريف حساب