Share this link via
قرآن پاک اور نعت مصطفےٰﷺ
7۔’’وَالضُّحٰی‘‘سےمراد ہے مُصطَفٰے عَلَیْہِ الصَّلٰوۃُ وَالسَّلَام کے روشن چہرے کی قسم اور ”وَالَّیْل“ سے مراد ہے آپ عَلَیْہِ السَّلَامکی سیاہ زلفوں کی قسم۔ (تفسیر کبیر، ۱۱/۱۹۱ماخوذاً)
سرکارِ اعلیٰ حضرت مولانا شاہ امام احمد رضا خان رَحْمَۃُ اللّٰہ ِ عَلَیْہ اسی آخری تفسیری قول کی طرف اشارہ کرتے ہوئے فرماتے ہیں:
ہے کلامِ الٰہی میں شَمس و ضُحٰے تِرے چہرۂ نور فزا کی قسم
قسمِ شبِ تار میں راز یہ تھا کہ حبیب کی زُلفِ دوتا کی قسم
(حدائقِ بخشش،ص۸۰)
شعر کی وضاحت:اےمیرےآقاصَلَّی اللہُ عَلَیْہِ وَاٰلِہٖ وَسَلَّم!قرآنِ مجیدمیں شَمْس و ضُحٰی فرما کراللہ پاک نےآپ صَلَّی اللہُ عَلَیْہِ وَاٰلِہٖ وَسَلَّمکےچہرۂ انورکی قسم یاد فرمائی ہے اور وَالَّیْلفرما کر آپ صَلَّی اللہُ عَلَیْہِ وَاٰلِہٖ وَسَلَّمکی کُنڈَل دار (یعنی خم دار)سیاہ زلفوں کی قسم یاد فرمائی ہے۔
صَلُّو ْا عَلَی الْحَبِیْب! صَلَّی اللہُ عَلٰی مُحَمَّد
پیاری پیاری اسلامی بہنو!غورکیجیے!اللہ پاک نےکیسے پیارےانداز میں اپنے پیارےمحبوب نبیِ کریم صَلَّی اللہُ عَلَیْہِ وَاٰلِہٖ وَسَلَّم کےروشن چہرےاورخوبصورت زلفوں کی قسم بیان فرمائی، صرف یہی نہیں بلکہ اللہ پاک نے قرآنِ کریم میں اپنے محبوب صَلَّی اللّٰہُ عَلَیْہِ واٰلِہٖ وَسَلَّمَ کی اداؤں اور آپ سے تعلق رکھنے والی مختلف چیزوں کی قسم بھی یاد فرمائی ہے۔آئیے! ملاحظہ کیجئے۔
اللہ پاک نے اپنے محبوبِ کریم صَلَّی اللّٰہُ عَلَیْہِ واٰلِہٖ وَسَلَّمَ کی مُبَارَک گفتگو کی قسم یاد فرماتے ہوئے ارشاد فرمایا: وَ قِیْلِهٖ یٰرَبِّ اِنَّ هٰۤؤُلَآءِ قَوْمٌ لَّا یُؤْمِنُوْنَۘ(۸۸) (پ۲۵،الزخرف:۸۸)
تَرْجَمَۂ کنز الایمان:مجھے رسول کے اس کہنے کی قسم کہ اے میرے رب یہ لوگ ایمان نہیں لاتے۔
