سے اُس کی دل آزاریاں کی جاتیں،سنّتوں پر چلنے کی راہ میں رُکاوٹیں کھڑی کی جاتیں اور دعوتِ اسلامی کا مَدَنی ماحول چھوڑنے پر مجبور کیا جاتا۔وہ کبھی کبھار بے بس ہوکر فریاد کرتا کہ مجھے اس مَدَنی ماحول سے دُور نہ کرو ورنہ پچھتاؤ گے،مگر اُس کی کسی نے نہ سُنی۔مخالَفت کا یہ سلسلہ تقریبًاتین سال تک چلتا رہابِالآخِرتنگ آ کر اُس نے گھر والوں کے سامنے ہتھیارڈال دئیے اور داڑھی شریف مُنڈوا کر دعوتِ اسلامی کے مَدَنی ماحول کو’’خیرآباد‘‘کہہ دیا۔بڑے بھائی چُونکہ ڈاکٹر تھے اِس لئے اِسے بھی ڈاکٹر بننے کے لئے سردار آباد،فیصل آباد(پنجاب،پاکستان)کے ایک میڈیکل کالج میں داخِل کروادیا گیا۔ جہاں وہ ہاسٹل(اِقامت گاہ)میں بُری صحبت کی نُحوستوں کا شکار ہوکر چَرَس پینے لگا اور سخت بیمار ہوگیا ،گھر والے اُسے واپَس زم زم نگر، حیدر آباد لے آئے۔والِدصاحِب نے علاج پر لاکھوں روپے خرچ کرڈالے مگر نہ صحت درست ہوئی اورنہ ہی سُدھرا بلکہ اب وہ ہیروئن کا نشہ کرنے لگا۔کثرت سے نشہ کرنے کی وجہ سے وہ سُوکھ کر کانٹاہو گیا،دانتوں کی سفیدی غائِب ہوکر ان پر کالک کی تہ چڑھ گئی اور اُس کی حالت پاگلوں کی سی ہوگئی۔ اللہ پاک کی رَحمت سے اب والِدصاحِب عاشقانِ رسول کی مَدَنی تحریک دعوتِ اسلامی کے مَدَنی ماحول سے وابَستہ ہوچکے ہیں،بے چارے اب بَہُت پچھتارہے ہیں کہ کاش!اُس وقت مجھے دعوتِ اسلامی کی اَہَمِّیَّت سمجھ میں آ جاتی اورمیں اپنے بیٹے کو عاشقانِ رسول کی مَدَنی تحریک دعوتِ اسلامی کے مَدَنی ماحول سے دُور نہ کرتاتو شایدآج مجھے یہ دن نہ دیکھنے پڑتے۔

اللہ پاک ہمیں اپنی اولادکی اسلامی اُصولوں کے مُطابق مَدَنی تربیت کرنےکی توفیق عطا فرمائے۔ اٰمِیْن بِجَاہِ النَّبِیِ الْاَمِیْن صَلَّی اللّٰہُ عَلَیْہِ واٰلِہٖ وَسَلَّمَ 

صَلُّوْا عَلَی الْحَبِیْبِ!                                             صَلَّی اللّٰہُ عَلٰی مُحَمَّد

صَلُّو ا عَلَی الْحَبِیب !  صلَّی اللہُ علٰی محمَّد