رہا ہوگا،ایسے میں آپ اُس کے سامنے آگئے ہوں گے،اُس نے سمجھا ہوگا کہ بَیل آڑے آ گیا ہے اوراُس کو ہانکنے کیلئے سر پر کوئی چیز دے ماری ہوگی!شکر کیجئے! آپ کا سر نہیں پھٹا۔(تَنبِیہُ الْغافِلین،ص۶۸)

آئیے!اب ایک روایت سُنئے اور اولاد کی مَدَنی  تربیت کا ذہن بنائیے،چنانچہ

پہاڑبرابرنیکیاں کام نہ آئیں

(بروزِ قیامت) ایک شخص کے بیوی بچے بارگاہِ الٰہی میں حاضِر ہوکرفریاد کریں گے:اے ہمارے ربِّ کریم ! اِس شخص سے ہمارا حق دِلوا کیونکہ اس  نے ہمیں ہمارے دِین کے اَحکام نہیں سکھائے اور یہ ہمیں حرام کھِلاتا تھا  لیکن ہمیں اس کا عِلْم نہ تھا۔لہٰذا اُس شخص کو حرام روزی(کمانے اور کھلانے)کے سبب اس قَدَر پِیٹا جائے گا کہ اُس کا گوشت جھڑجائےگا،پھر اُسے مِیزان (یعنی ترازو)کی جانب لایا جائے گا،فِرشتے اُس کی پہاڑ کی طرح نیکیاں لائیں گے تو اَہل وعِیال میں سے ایک شخص اُس کی نیکیوں میں سے لے لے گا۔ دوسرا بڑھے گا وہ بھی اُس کی نیکیوں سے اپنی کمی پوری کرےگا۔(اس طرح اُس کی ساری نیکیاں اس کے گھر والے لے لیں گے) اب وہ اپنے گھر والوں کی طرف مُتَوَجِّہ ہو کر کہے گا:میری گردن پرصرف اِن گناہوں کا بوجھ رہ گیا ہے جو میں نے تم لوگوں کی خاطِر کیے۔فرشتے اِعلان کریں گے:یہ وہ شخص ہے جس کی ساری نیکیاں اُس کے بال بچے لے گئے اور یہ اُن کی وجہ سے جہنم میں داخِل ہوا۔

(قُرَّۃُ العیون،الباب الثامن فی عقوبۃقاتل النفس وقاطع الرحم ،ص۴۰۱ملخصاً)

صَلُّوْا عَلَی الْحَبِیْب!                                     صَلَّی اللّٰہُ عَلٰی مُحَمَّد

پیاری پیاری اسلامی بہنو!سناآپ نےکہ جووالدین اپنی اولادکی مَدَنی  تربیت نہیں کرتے اور انہیں عِلْم و ادب نہیں سکھاتےتو انہیں  کیسی شرمندگی و  رُسوائی کاسامناہوتاہے۔لہٰذا اچھے