ایک روٹی نے ہلاکت سے بچالیا

 حضرتِ سیِّدُنا ابو ہریرہرَضِیَ اللہُ تَعَالٰی عَنْہُسے مروی ہے، رسولِ کریم رء ُوف رحیم صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ نے ارشادفرمایا:''تم سے پہلے لوگوں میں ایک شخص تھا جوہر مرتبہ پرندے کے گھونسلے سے بچے نکال لیتا۔پرندے نے اس کے خلاف اللہ عَزَّ  وَجَلَّ کی بارگاہ میں شکایت کی تو اللہ عَزَّ  وَجَلَّ نے ارشاد فرمایا:'' اگروہ اسی حال پرباقی رہا تو ہلا ک ہوجائے گا۔'' جب اس سا ل وہ شخص گھر سے سیڑھی لے کر پرندے کے بچوں کو پکڑنے کے لئے چلا تو راستے میں اسے ایک فقیر ملا، اس نے اپنے زادِ راہ میں سے ایک روٹی اسے دے دی، پھر درخت کے اوپرچڑھا اوربچوں کو پکڑلیا۔ ان کے ماں باپ یہ منظر دیکھ رہے  تھے انہوں نے اللہ عَزَّ  وَجَلَّ کی بارگاہ میں عرض کی: ''یااللہ عَزَّ  وَجَلَّ! تُو نے ہم سے وعدہ فرمایاتھا کہ اس مرتبہ وہ ہلا ک ہوجائے گا لیکن وہ تو صحیح وسالم جا رہا ہے ؟'' اللہعَزَّ  وَجَلَّ نے ارشاد فرمایا:''کیا تم نہیں جانتے کہ جو شخص کسی دن کوئی صدقہ کرے میں اسے اس دن ہلاک نہيں کرتااور نہ ہی اسے اس دن کوئی بُرائی پہنچتی ہے ۔'' (کنزالعمال،کتاب الزکاۃ،قسم الاقوال، الحدیث۱۶۱۱۲، ج۶، ص۱۵۹)

یا نبی تیری دُہائی آفتوں میں گِھر گیا

رُخ بدل دے مشکلوں کا اور بلائیں مجھ سے پھیر

وسائلِ بخشش مُرمم،ص۲۳۴

صَلُّوْا عَلَی الْحَبِیْب!                 صَلَّی اللّٰہُ تَعَالٰی عَلٰی مُحَمَّد

صدقہ دینے کے فوائد

میٹھے میٹھے اسلامی بھائیو! دیکھا آپ نے! ان حکایات میں صدقے کی کیسی کیسی برکتیں ظاہر ہوئیں  ،پہلی حکایت میں ایک عورت کو ایک لقمہ صدقہ کرنے کی یہ برکت ملی کہ فرشتے نے بھیڑئیے  کے منہ سے اس کا بچہ چھین  کر اس عورت کو واپس لوٹا دیا  اور یوں بچے کی جان بچ گئی،دوسری حکایت میں