تشریف لائے، پھر ارشاد فرمایا: تم اِس سال حج کے لیےچلے جانا۔

 وہ عاشقِ رسول اپنی بے غریبی کا ذکر نہ کر سکا، تیسری رات پھر کرم ہوا،پھر اللہ کے رسول،رسولِ مَقْبول  صلّی اللہ ُ عَلَیْہِ وَ آلِہٖ وَسَلَّم  خواب میں تشریف لائے اور فرمایا :تم اِس سال حج کے لیےچلے جانا۔ اِس بار بھی یہ اپنی پریشانی بیان نہ کر پایا، آخر چوتھی رات پھر کرم ہوا، رسولِ اکرم، نورِ مُجَسَّم  صلّی اللہ ُ عَلَیْہِ وَ آلِہٖ وَسَلَّم  خواب میں تشریف لائے تو اس نے عرض کر ہی دیا کہ یَا رسولَ اللہ! یَا حَبِیْبَ اللہ  صلّی اللہ ُ عَلَیْہِ وَ آلِہٖ وَسَلَّم ! میرے پاس تو سفری اَخْرجات بھی نہیں ہے، میں کیسےحج کے لیےجا سکتا ہوں ؟

پاس مال و زَر نہیں اُڑنے کو بھی پَر نہیں                   کر دو کوئی اِنتظام تم پہ کروڑوں سلام

 رسولِ اکرم، نُورِ مُجَسَّم  صلّی اللہ ُ عَلَیْہِ وَ آلِہٖ وَسَلَّم  نے فرمایا: کیوں نہیں؟ تمہارے پاس زادِ راہ ہے،تم اپنے مکان کی فلاں جگہ کھودو، وہاں تمہارے دادا کی زِرَہ (یعنی جنگی لباس) موجود ہے، اِتنا فرما کر نُور کے پیکر، تمام نبیوں کے سَروَر  صلّی اللہ ُ عَلَیْہِ وَ آلِہٖ وَسَلَّم  تشریف لے گئے۔ صبح کو عاشقِ رسول کی آنکھ کھلی، بہت خوش تھا، نمازِ فجر ادا کرنے کے بعد آقا کریم  صلّی اللہ ُ عَلَیْہِ وَ آلِہٖ وَسَلَّم  کی بتائی ہوئی جگہ سے کھودنا شروع کیا،واقعی وہاں ایک قیمتی زِرَہ موجود تھی، اُس نے وہ زِرَہ فروخت کی اور حج کے لیےروانہ ہو گیا۔^([1])

جسے چاہا دَر پہ بُلا لیا                                                                                                                               جسے چاہا اپنا بنا لیا

یہ بڑے کرم کے ہیں فیصلے                                                                               یہ بڑے نصیب کی بات ہے

صَلُّوا عَلَی الْحَبیب!                                               صَلَّی اللّٰہُ عَلٰی مُحَمَّد