Book Name:Sikhne Sikhane Ke Halqon Ka Jadwal
سیکھنے سِکھانے کے حلقوں کا جدول
(1):مختلف موضوعات پر مختصر بیان:5منٹ (2):دُعا یاد کرنا:5 منٹ (3):جائزہ :5 منٹ۔کُل دورانیہ:15منٹ
آج سیکھنے سکھانے کے حلقوں میںتکبیر تحریمہ کی 3 سنتیںقِسط اوّل کے موضوع پر مفید ترین مَعْلُومات دی جائیں گی اور کسی قوم سے خطرے کے وقت کی دعا یاد کروائی جائے گی۔دعا یاد کروانے کے بعد نیک اعمال کے رسالے سے اجتماعی جائزہ لیا جائے گا۔اِنْ شَآءَ اللہُ الْکَرِیْم!
فرمانِ آخری نبی، رسولِ ہاشمی صلی اللہُ عَلَیْہِ وَ آلِہٖ وَسَلَّم: مسلمان جب تک مجھ پر دُرُود شریف پڑھتا رہتا ہے فرشتے اُس پر رحمتیں بھیجتے رہتے ہیں، اب بندے کی مرضی ہے کم پڑھے یا زیادہ۔([1])
صَلُّوْا عَلَی الْحَبیب! صَلَّی اللّٰہُ عَلٰی مُحَمَّد
تکبیر تحریمہ کی 3 سنتیں قِسط اوّل
آیت مبارکہ
اللہ پاک فرماتا ہے:
وَ ذَكَرَ اسْمَ رَبِّهٖ فَصَلّٰىؕ(۱۵) (پارہ :30 الاعلی :15)
ترجمۂ کنزُالعِرفان: اور اس نے اپنے ربّ کا نام لے کر نماز پڑھی۔
تفسیر نور العرفان میں ہے :اس سے معلوم ہوا کہ تکبیر تحریمہ (یعنی رَبّ کا نام لے کر نماز شروع کرنا) نماز کے لئے شرط ہے ۔([2])