Book Name:Shab e Meraj Nawazshat e Mustafa
هغه د بدن نه تر دې پورې چې د نوكانو لاندې خطاګانې هم لرې شي.[1] په يو روايت كښې دي: زمونږ خوږ آقا صَلَّى اللهُ عَلَيْهِ وَاٰلِهٖ وَسَلَّم فرمائي چې كله مُسلمان اودس كوي نو د مخ وينځلو سره د مخ، د لاسونو وينځلو سره د لاسونو او د ښپو وينځلو سره د ښپو ګناهونه د اوبو سره اوبهيږي، تر دې پورې چې بنده د ګناهونو نه پاك شي.[2]
(2) ګناه بخښلو والا دويم عمل: د جَمعې لمَانځه له پياده تلل: د مُسلِم شريف په حديثِ پاك كښې دي: كوم بنده چې په كور كښې اودس اوكړي، بيا د فرض لمُونځ د پاره جمات ته روان شي نو د هغه په يو قدم باندې ګناه مُعاف كيږي او په بل قدم ئې يوه درجه اوچتيږي.[3] په يو حديثِ پاك كښې دي: په لمَانځه كښې زيات اجر او ثواب د هغه چا د پاره دے څوک چې د ډيرې لرې نه پياده راځي.[4]
(3) ګناه بخښلو والا دريم عمل، د يو لمُونځ نه پس د دويم لمُونځ اِنتِظار كول: حضرت ابُوهُريره رَضِىَ اللهُ عَـنْهُ نه روايت دے چې بنده كوم ځائے لمُونځ ادا كړي او هلته ناست وي نو تر څو پورې چې ئې اودس مات نه شي، فرښتے د هغه د پاره دُعا كوي، فرښتے وائي: اَللّٰہُمَّ اغْفِرْہُ اَللّٰہُمَّ ارْحَمْہُ اے الله پاکه! دا اوبخښې، اے الله پاکه! په ده رحم اوكړې. [5]