اپنے اہلِ خانہ پر خرچ کر ے تو وہ اس کے لئے صدقہ ہے۔^([1])

اے عاشقانِ رسول ! اہلِ خانہ پر خرچ کرنا سُنّتِ مصطفےٰ ہے۔ *پیارے آقا ، مکی مدنی مصطفےٰ   صَلَّی اللہُ عَلَیْہِ وَاٰلِہٖ وَسَلَّم  اپنے گھر والوں پر خرچ فرمایا کرتےتھے *حدیثِ پاک کے مطابق ہجرت کے بعد ایک وقت وہ بھی آیا کہ رسولِ اکرم ، نُورِ مجسم صَلّی اللہُ عَلَیْہِ وَآلِہٖ وَسَلَّم اپنے گھر والوں کے لئے سال بھر کا غلہ جمع فرما دیا کرتے۔ ^([2])

اس حدیثِ پاک کے تحت مُفَسِّرِ قرآن ، حکیم الاُمَّت مفتی احمد یارخان نعیمی  رَحْمَۃُ اللہ عَلَیْہ  نے جو شرح بیان کی ، اس کا خُلاصہ ہے کہ یہ (یعنی سرکارِ عالی وقار ، مکی مدنی تاجدار صَلّی اللہُ عَلَیْہِ وَآلِہٖ وَسَلَّم کا سال بھر کے لئے غَلّہ جمع فرما دینا ، ) بنو نُضَیْر کا قلعہ فتح ہونے کے بعد کی بات ہے۔ یہ بھی خیال رہے کہ حُضُور ، جانِ کائنات صَلّی اللہُ عَلَیْہِ وَآلِہٖ وَسَلَّم اگرچہ سال بھر کا غلہ جمع فرما دیتے تھے مگر ازواجِ پاک کَثْرت سے صدقہ و خیرات کرتیں ، سال بھر کا غلہ جلد ختم ہو جاتا اور نَوبَت فاقوں تک پہنچ جاتی۔ ^([3])  

بھوکے رہتے تھے خود اوروں کو کھلا دیتے تھے                              کیسے صابِر تھے مُحَمَّد کے گھرانے والے

 اِحْیَاءُ العلوم میں ہے : رسولِ اکرم ، نورِ مجسم صَلّی اللہُ عَلَیْہِ وَآلِہٖ وَسَلَّم کا سال بھر کا غلہ جمع فرمانا اس لئے ہے تاکہ یہ عَمَل امَّت کے حق میں سُنّت بن جائے ، ورنہ آپ صَلّی اللہُ عَلَیْہِ وَآلِہٖ وَسَلَّم کے اَہْلِ خانہ کمزور دِل نہ تھے (بلکہ وہ حضرات اللہ پاک پر کامِل بھروسہ رکھنے والے تھے)۔ ^([4])

صَلُّوْا عَلَی الْحَبیب!                                               صَلَّی اللّٰہُ عَلٰی مُحَمَّد