Share this link via
قرآن پاک اور نعت مصطفےٰﷺ
صَلُّوْا عَلَی الْحَبِیْب! صَلَّی اللّٰہُ عَلٰی مُحَمَّد
پیاری پیاری اسلامی بہنو!آئیے!مزید آقا کریم،رؤفٌ رَّحیم صَلَّی اللّٰہُ عَلَیْہِ وَاٰلِہٖ وَسَلَّم کی خصوصیا ت سنتی ہیں :
اللہ پاک نے حضرت آدم عَلَیْہِ السَّلَامکے بارے میں فرمایا:
اِنَّ اللّٰهَ اصْطَفٰۤى اٰدَمَ (پ:۳،آل عمرن:۳۳ ) تَرجَمَۂ کنزُالایمان:بے شکاللہ نے چن لیا آدم کو
جبکہ ہمارے پیارےآقا،مدینےوالےمصطفٰےصَلَّی اللہُ عَلَیْہِ وَاٰلِہٖ وَسَلَّمکومرتبۂ محبوبىت سے نواز کر ظاہر فرمایا دیا کہ میرا محبوب تما م چیزوں سے افضل ہے۔
اسی طرح اللہ پاک نے حضرت آدم عَلَیْہِ السَّلَام کےبارے میں فرمایا:
وَ عَلَّمَ اٰدَمَ الْاَسْمَآءَ كُلَّهَا (پ۱، البقرۃ:۳۱) تَرجَمَۂ کنزُالایمان:اوراللہنےآدم کوتمام اشیاء کےنام سکھائے۔
جبکہ ہمارے پیارےآقا،مدینےوالےمصطفٰےصَلَّی اللہُ عَلَیْہِ وَاٰلِہٖ وَسَلَّمکو جوکچھ سکھایا اس کے بارے میں ارشاد فرمایا :
خَلَقَ الْاِنْسَانَۙ(۳) عَلَّمَهُ الْبَیَانَ(۴) (پ۲۷،رحمٰن:۳،۴)
تَرْجَمَۂ کنز الایمان :انسانیت کی جان محمد کو پیدا کیا۔ مَاکَانَ وَمَا یَکُوْن کا بیان اُنہیں سکھایا۔
تفسیرصراطُ الجنان میں ہےکہ یہاں انسان سے مراد دو عالَم کےسردارمحمد مصطفےٰصَلَّی اللہ عَلَیْہ وَاٰلِہٖ وَسَلَّمَ ہیں اور بیان سے’’مَاکَانَ وَمَا یَکُوْنُ‘‘یعنی جو کچھ ہو چکا اور جو کچھ آئندہ ہو گا، کا بیان مراد ہے کیونکہ نبی کریم صَلَّی اللہ عَلَیْہِ وَاٰلِہٖ وَسَلَّمَ اَوّلین و آخرین اور قیامت کے دن کی خبریں دیتے تھے۔
