سرکَٹاتے ہیں ترے نام پہ مَردانِ عرب

اُمُّ الْمؤمنین حضرت  عائشہ صدّیقہ رَضِیَ اللہُ  عَنْہا  فرماتی ہیں:

فَلَوْ سَمِعُوْا فِیْ مِصْرَ اَوْصَافَ خَدِّہٖ
لَمَا بَذَ لُوْا فِیْ سَوْمِ یُوْسُفَ مِنْ نَقْدٍ

یعنی اگرآپ صَلَّی اللہُ  عَلَیْہِ واٰلِہٖ وَسَلَّمَ کے رُخْسارِ مُبارک کی خوبیاں،اہلِ مصر سُن لیتے تو جنابِ یوسُف عَلَیْہِ السَّلام کی قیمت لگانے میں سیم و زر (مال ودولت)نہ بہاتے۔

لَواحِیْ زُلَیْخَا لَوْ رَأَیْنَ جَبِیْنَہُ
لَاَثَرْنَ بِالْقَطْعِ الْقُلُوْبَ عَلَی الْاَیْدِی

یعنی اگر زُلیخا کو مَلامت کرنے والی عورتیں، آپ صَلَّی اللہُ  عَلَیْہِ واٰلِہٖ وَسَلَّمَ کی نورانی پیشانی کی زِیارت کرلیتیں، تو ہاتھوں کے بجائے اپنے دل کاٹنے کو ترجیح دیتیں۔(زرقانی علی المواھب ،عائشہ ام المومنین، ۴/۳۹۰)

نعلینِ مصطفیٰ مرحبا مرحبا

خاندانِ مصطفیٰ مرحبا مرحبا

 پیارے اسلامی بھائیو!حُضُورِاکرمصَلَّی اللہُ  عَلَیْہِ واٰلِہٖ وَسَلَّمَ کی شانِ بے مثال کو ہم بَھلا کیا سمجھ سکتے ہیں؟ حَضرات ِصحابۂ کرام عَلَیْہِمُ الرِّضْوَان جو دن رات سفر و حضر میں جمالِ نُبُوَّت کی تجلیوں کو اپنی آنکھوں سے دیکھاکرتے، اُنہوں نے نُور کے پیکر،محبوبِ ربِّ اکبر صَلَّی اللہُ  عَلَیْہِ واٰلِہٖ وَسَلَّمَکے جمالِ بے مِثال کو جِن لفظوں میں بیان فرمایا، آئیے !اُسے سُنتےہیں۔ چُنانچہ

حضرت اَنَس رَضِیَ اللہُ  عَنْہُ فرماتے ہیں: میں نے ہر حَسین چیز دیکھی ہے، لیکن رَسُوْلُ اللہ صَلَّی