آپ کی پیٹھ مُبارک 17 جگہ سے سوجی تھی۔^([1])*حضرت عبد اللہ بن زبیر رَضِیَ اللہُ عنہما نماز میں خشوع وخضوع کی وجہ سےاس طرح کھڑے ہوتے یوں لگتا جیسے کوئی لکڑی ہے۔^([2])

سُبْحٰنَ اللہ!اللہ پاک ہمیں بھی ایسے پیارے انداز میں عِبَادت کرنے کی توفیق نصیب فرمائے۔ امیرِاہلسنّت مولانا محمد الیاس عطارقادری دَامَتْ بَرَکَاتُہُمُ الْعَالِیَہ کی بہت پیاری کتاب ہے: فیضانِ نماز۔ یہ کتاب ہر فرد کی ضرورت ہے۔ سب کو پڑھنی چاہئے، اس میں خُشُوع و خُضُوع کے متعلق بھی ایک پُورا باب ہے، امیرِ اہلسنّت نے خُشُوع و خُضُوع کے ساتھ نماز پڑھنے کے آسان طریقے بھی لکھے ہیں۔اس کے علاوہ *نماز کے احکام *نماز کا طریقہ*اسلامی بہنوں کی نماز۔ یہ کتابیں بھی نماز کے متعلقہ احکامات پر مشتمل ہیں ۔ ان  کتابوں کو مکتبۃ المدینہ سے طلب فرمائیے! یا دعوتِ اسلامی کی آفیشل ویب سائٹ www.dawateislami.net سے مفت ڈاؤنلوڈ کر لیجئے! انہیں پڑھیئے! اِنْ شَآءَ اللہُ الْکَرِیْم! بہت سارا عِلْمِ دین سیکھنے کو ملے گا۔

میراہرعمل بس تیرے واسطے ہو                                          کر اخلاص ایسا عطا یا الہٰی!

بنادے مجھے نیک نیکوں کا صدقہ                                              گناہوں سے ہردم بچا یاالٰہی!

عبادت میں گزرے مری زندگانی                                          کرم ہو کرم یاخدا! یاالٰہی!^([3])

صَلُّوا عَلَی الْحَبیب!                                               صَلَّی اللّٰہُ عَلٰی مُحَمَّد

(5): تنہائی میں بھی اپنے رَبّ کی فرمانبرداری کرنے والا ہو

پیارے آقا کے پیارے دوست کے 7 اوصاف میں سے پانچواں  وصف یہ ہے : وَأَطَاعَهُ