سے گزرنا ہے، اس کی کوئی فِکْر نہیں ہے۔ کاش! ہمیں فِکْرِ آخرت نصیب ہو جائے۔

غمِ روزگار میں تو مرے اشک بہہ رہے ہیں              تِرا غم اگر رُلاتا تو کچھ اور بات ہوتی

نہ فُضول کاش! ہنستا، تری یاد میں تڑپتا                                           مجھے چَین ہی نہ آتا تو کچھ اور بات ہوتی

یِہی آہ! فکرِ دُنیا مِرا دِل جَلا رہی ہے                                                      غمِ ہجر گر ستاتا تو کچھ اور بات ہوتی^([1])

جائیداد نہ بناؤ! ورنہ دُنیا کے ہو کر رہ جاؤ گے

اے عاشقانِ رسول! اللہ پاک ہمیں مال کی محبّت سے محفوظ فرمائے۔ اِیمان کی مضبوطی اور اَخْلاق و کردار کی دُرُستی اس میں ہے کہ بندہ ہر پَل موت، قبر اور آخرت کو یاد رکھے لیکن دُنیوی مال کا ایک بہت  بُرا اَثَر یہ ہے کہ اس کی محبّت انسان کو غافِل کر دیتی ہے، محبّتِ مال کے سبب آدمی آخرت کو بُھول جاتا ہے، دُنیا اور اس کی محبّت دِل میں گھر کر جاتی ہے اور دُنیا کی محبّت ہی وہ چیز ہے جو انسان کو گُنَاہوں اور بُرائیوں کے گہرے گڑھے میں دھکیل دیتی ہے۔ اسی لئے ہمارے آقا و مولا، مکی مَدَنی مصطفےٰ صَلَّی اللہُ عَلَیْہِ وَ آلِہٖ وَ سَلَّم نے فرمایا: لَا تَتَّخِذُوا الضَّیْعَةَ فَتَرْغَبُوا فِي الدُّنْیَا یعنی (اے لوگو...!!) جائیداد (Property)نہ بناؤ! ورنہ دنیا کے ہوکر رہ جاؤ گے۔^([2])

ہمارے دل سے نکل جائے الفتِ دنیا                 دے  دل  میں  عشقِ  مُحَمَّد  مرے  رچا  یاربّ!^([3])

صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد

ایک اَہَم وضاحت

پیارے اسلامی بھائیو! دِل میں یہ خیال آ سکتا ہے کہ فُلاں عالِمِ دِین یا فُلاں پِیر صاحِب