دینی ماحول سے وابستہ ہو جایئے ،الحمد للہ ہمارے پیر و مرشِد، شیخِ طریقت ، امیر ِاَہلسنت دَامَتْ بَرَکَاتُہُمُ الْعَالِیَہ نے اپنے مُریدین و مُحِبِّین و تمام عاشقانِ رسول کو سُنّتوں کےمطابق زندگی گزارنے کے لئے’’نیک اعمال ‘‘ کا رِسالہ عطا فرمایا ہے ،اس رسالے کی برکت سے  ان شا ء اللہ ہم نیکیوں پر استقامت پانے میں کامیاب ہو جائیں گے،آیئے اِن نیک اعمال میں سے ایک نیک عمل کے بارے میں سنتے ہیں ،نیک عمل نمبر 24 ہے :کیا آج آپ نے ایک دینی  درس (مسجد ،دکان ، بازار وغیر ہ جہاں سہولت ہو) دیا ،یا سنا؟

                             اللہپاک ہمیں پابندی کے ساتھ  نیک اعمال کا رسالہ پُر کرنے اور ہر مہینے جمع کروانے کی توفیق عطا فرمائے ۔آمین   

صَلُّوْا عَلَی الْحَبِیْب!                                                                                                                                                           صَلَّی اللہُ عَلٰی مُحَمَّد

شعبہ آئی-ٹی  (I.T)

                                                انسانی زندگی ترقی کی منزلیں طے کرتی ہوئی آج جس دَور سے گزر رہی ہے،اس میں کمپیوٹر اور انٹرنیٹ کا کردار بہت اہم ہے۔ فِی زمانہ اِنْفارمیشن ٹیکنالوجی کسی نہ کسی صُورت میں زندگی کے ہر شُعبے پر اثر انداز ہے ۔اَلْحَمْدُ لِلّٰہ عاشقان رسول کی دینی تحریک دعوتِ اسلامی نے اصلاحِ اُمَّت کے لئے دُنیا بھر میں اِسْلام کی بہاریں لُٹانے کے لئے جو مُتَعدَدمجالس اور شُعبے قائم کئے، انہی میں سے ایک شعبہ ” آئی ٹی ڈیپارٹمنٹ“بھی ہے،جس کا کام انفارمیشن ٹیکنالوجی کے ذریعے دُنیا بھر کے لوگوں کو اِسْلام کی تعلیم پیش کرنا ہے،شعبہ آئی ٹی کے کارہائے نمایاں میں سے اَعْلیٰ حضرت رَحْمَۃُ اللہِ عَلَیْہ کے شہرۂ آفاق فتاویٰ رضویہ شریف اور ترجمۂ قرآن کنز الایمان کو سافٹ وئیر کی شکل میں پیش کرنا بھی ہے جو لائقِ صد تحسین ہے،شعبہ توقیت کے تعاون سے ایک موبائل ایپلی کیشن  Prayer Times بھی متعارف