ہے اس سے سلام ومصافحہ کرو اور اُن کی دُعاؤں پر آمین بھی کہو! چنانچہ فرشتے آپ کے حکم پر عمل کرتے ہیں اور صبح تک یہی سلسلہ رہتا ہے۔^([1])

پیارے اسلامی بھائیو! آج برکتوں والی رات ہے، اللہ پاک آج کی اس مبارک رات کا صدقہ ہم سب کی بےحساب مغفرت وبخشش فرمائے۔

مغفرت کا ہوں  تجھ سے سُوالی                                                                 پھیرنا اپنے دَر سے نہ خالی

مجھ گنہگار کی اِلتجاء ہے                                                                                                                 یا خدا! تجھ سے میری دُعا ہے

آہ! رَنج و اَلم نے ہے مارا                                                                                      یااِلٰہی! مجھے دے سہارا

ایک غمگین دِل کی صدا ہے                                                                                یا خدا! تجھ سے میری دُعا ہے^([2])

قرآنِ پاک کی ایک خوبصُورت تعلیم

پیارے اسلامی بھائیو!  شبِ قدر چونکہ قرآنِ کریم نازِل ہونے کی رات ہے، اسی مُنَاسبت سے قرآنِ کریم کی خوبصُورت تعلیمات میں سے ایک اَہَم تعلیم جو کسی ایک رات، ایک مہینے، ایک دِن یا ایک گھنٹے کیلئے نہیں بلکہ زندگی کے ہر ہر لمحے کے لئے ہے، یہ ایک احساس اور ایک کیفیت کی تعلیم ہے، جس کے متعلق قرآنِ کریم ہمیں ترغیب دِلاتا ہے کہ یہ احساس مستقل طَور پر ہمارے اندر رہنا چاہئے، وہ تعلیم، وہ احساس کیا ہے؟ سنیئے!اللہ پاک ارشاد فرماتا ہے:

اِنَّ الَّذِیْنَ لَا یَرْجُوْنَ لِقَآءَنَا وَ رَضُوْا بِالْحَیٰوةِ الدُّنْیَا وَ اطْمَاَنُّوْا بِهَا وَ الَّذِیْنَ هُمْ عَنْ اٰیٰتِنَا غٰفِلُوْنَۙ(۷) اُولٰٓىٕكَ مَاْوٰىهُمُ النَّارُ بِمَا كَانُوْا یَكْسِبُوْنَ(۸) (پارہ:11، یونس:7،8)