اس مقام پر بہت بڑے مفسر امام رازی رَحمۃُ اللہِ عَلَیْہ فرماتے ہیں: بلندرُتبہ انسان کے یہی 2 وَصْف ہوتے ہیں (1):وہ خود صاحِبِ کمال، صاحِبِ حکمت ہوتا ہے (2):دوسروں کو نیکی کی دعوت دیا کرتا ہے۔ ^([1])

الحمد للہ! امیرِ اہلسنّت میں یہ دونوں ہی وَصْف بہت اعلیٰ سطح پر موجود ہیں، اللہ پاک کے فضل سے آپ کو حکمت بھی کمال عطا کی گئی ہے اور آپ نیکی کی دعوت دینے، دوسروں کو نیک رستے پر چلانے میں بھی بہت رغبت رکھتے ہیں، آپ نے نیکی کی دعوت کے دِینی کام کو اتنے بڑے پیمانے کرنے کی سعادت حاصِل کی ہےکہ آج کے دور میں اس کی مثال نہیں ملتی، آپ نے لاکھوں کی زندگیاں تبدیل کی ہیں، لاکھوں بےنمازیوں کو نمازی بنایا ہے، لاکھوں گُنَاہوں میں ڈوبے ہوؤں کو نیک رستے کا مسافِر بنایا ہے۔

مسلک کا تو امام الیاس قادری                                                             تدبیر تیری تام ہے، الیاس قادری

فکرِ رضا کو کر دیا عالَم پہ آشکار                                                                     یہ تیرا اُونچا کام ہے الیاس قادری

ہے دعوتِ اسلامی کی دُنیا میں دُھوم دھام                        مقبول تیرا کام ہے الیاس قادری

تنہا چلا تو ساتھ ترے ہو گیا جہاں                                                    میٹھا ترا کلام ہے الیاس قادری^([2])

امیرِ اہلسنّت اور خدمتِ قرآن

پیارے اسلامی بھائیو!الحمد للہ! امیرِ اہلسنّت جس طرح قرآنِ کریم پڑھنے کی عادَت رکھتے ہیں، شوقِ تِلاوت، ذوقِ تلاوت سے مالا مال ہیں، قرآنِ کریم کی تعلیمات پر عمل کرنے