اَلْحَمْدُ لِلہِ رَبِّ الْعٰلَمِیْنَ وَالصَّلٰوۃُ وَالسَّلَامُ عَلٰی خَاتَمِ النَّبِیّٖن

اَمَّا بَعْدُ! فَاَعُوْذُ بِاللہِ مِنَ الشَّیْطٰنِ الرَّجِیْمِ بِسْمِ اللہِ الرَّحْمٰنِ الرَّحِیْمِ

نَوَیْتُ سُنَّتَ الْاِعْتِکَاف                                                                                                                (ترجمہ: میں نے سُنَّت اعتکاف کی نِیَّت کی)

درود شریف کی فضیلت

روایات میں ہے: اللہ پاک کے نبی حضرت آدم عَلَیْہِ السَّلام جنّت میں تھے، (آپ چونکہ پہلے انسان ہیں، اس وقت آپ جیسا کوئی تھا نہیں، لہٰذا) آپ تنہائی اور اُداسی محسوس کرتے تھے، چنانچہ اللہ پاک نے آپ پر نیند طارِی فرمائی، آپ سوئے تو آپ کی پسلی مبارَک سے حضرت حوّا رَحمۃُ اللہِ علیہا کو پیدا کیا گیا۔ حضرت آدم عَلَیْہِ السَّلام بیدار ہوئے، اپنے پاس اپنے ہی جیسے ایک انسان، حضرت حوّا رَحمۃُ اللہِ علیہا کو دیکھا تو اُن کی طرف ہاتھ بڑھانا چاہا مگر حکم ہوا: اے آدم! رُک جائیے! پہلے حق مہر ادا کیجئے! (حضرت آدم عَلَیْہِ السَّلام نے پوچھا: اس کا حق مہر کیا ہے؟ )حکم ہوا: 10 مرتبہ ہمارے محبوب صَلَّی اللہُ عَلَیْہِ وَ آلِہٖ وَ سَلَّم پر درودِ پاک پڑھ دیجئے! (یہی حق مہر ہے)۔ حضرت آدم عَلَیْہِ السَّلام نے 10مرتبہ درودِ پاک پڑھا اور آپ کا نِکاح حضرت حوّا رَحمۃُ اللہِ علیہا سے کر دیا گیا۔^([1])

سُبْحٰنَ اللہ! کیا شان ہے ہمارے آقا و مولیٰ، مکی مَدَنی مصطفےٰ صَلَّی اللہُ عَلَیْہِ وَ آلِہٖ وَ سَلَّم کی...!! اس جگہ ایک ایمان افروز نکتہ ہے، عُلَما فرماتے ہیں: حق مہرشِفَا بخش ہے۔مولا علی شیرِ خدا رَضِیَ اللہُ عنہفرماتےہیں:جب تم میں کوئی بیمار ہو تو اسے چاہئے اپنی زوجہ سے اس کے