اَلْحَمْدُ لِلہِ رَبِّ الْعٰلَمِیْنَ وَالصَّلٰوۃُ وَالسَّلَامُ عَلٰی خَاتَمِ النَّبِیّٖن

اَمَّا بَعْدُ! فَاَعُوْذُ بِاللہِ مِنَ الشَّیْطٰنِ الرَّجِیْمِ بِسْمِ اللہِ الرَّحْمٰنِ الرَّحِیْمِ

اَلصَّلٰوۃُ وَالسَّلَامُ عَلَیْکَ یَارَسُوْلَ اللہ                                                        وَعَلٰی آلِکَ وَاَصْحٰبِکَ یَاحَبِیْبَ اللہ

اَلصَّلٰوۃُ وَالسَّلَامُ عَلَیْکَ یَانَبِیَّ اللہ                                                                      وَعَلٰی آلِکَ وَاَصْحٰبِکَ یَانُوْرَ اللہ

نَوَیْتُ سُنَّتَ الْاِعْتِکَاف                                                                                                                (ترجمہ: میں نے سُنَّت اعتکاف کی نِیَّت کی)

درود شریف کی فضیلت

حضرت کَعْب رَضِیَ اللہُ عنہ سے روایت ہے، فرماتے ہیں: اللہ پاک نے اپنے نبی حضرت موسیٰ عَلَیْہِ السَّلام کی طرف وحی فرمائی: اے موسیٰ! کیا آپ چاہتے ہیں کہ جتنا آپ کا کلام آپ کی زبان کے قریب ہے، آپ کے دِلی خیالات جتنے آپ کے دِل کے قریب ہیں، آپ کی رُوح جتنی آپ کے بدن سے قریب ہے اور آپ کی نِگاہ کا نُور جتنا آپ کی آنکھ کے قریب ہے، میں اس سے بھی زیادہ آپ کے قریب ہو جاؤں؟ فرمایا: ہاں! اے مالِکِ کریم! (میں چاہتا ہوں)۔ فرمایا: فَاَکْثِر ُالصَّلَاۃَ عَلٰی مُحَمَّدٍ یعنی اے موسیٰ! پِھر آپ مُحَمَّد صَلَّی اللہُ عَلَیْہِ وَ آلِہٖ وَ سَلَّم پر کَثْرت سے درود شریف پڑھا کیجئے! ^([1])

سُبْحٰنَ اللہ! پیارے اسلامی بھائیو! اس روایت پر ذرا غور کیجئے! ایک ہے ہماری زبان، دوسرا ہے اسی زبان سے ادا ہونے والا کلام، ان دونوں کے درمیان کتنا فاصلہ ہے...؟ کچھ بھی نہیں، یُوں ہمارے دِل اور اُس دِل میں اُبھرنے والے خیالات کے درمیان، ہماری رُوح اور ہمارے بدن کے درمیان، ہماری آنکھ اور اُس آنکھ میں موجود نُور کے درمیان کتنا