اَلْحَمْدُ لِلّٰہِ رَبِّ الْعٰلَمِیْنَ وَ الصَّلٰوۃُ وَالسَّلَامُ عَلٰی سَیِّدِ الْمُرْسَلِیْنَ ^ط

اَمَّا بَعْدُ فَاَعُوْذُ بِاللّٰہِ مِنَ الشَّیْطٰنِ الرَّجِیْمِ ^ط  بِسْمِ اللہ الرَّحْمٰنِ الرَّ حِیْم ^ط

اَلصَّلٰوۃُ وَ السَّلَامُ عَلَیْكَ یَا رَسُولَ اللہ                                                                                  وَعَلٰی اٰلِكَ وَ اَصْحٰبِكَ یَا حَبِیْبَ اللہ

اَلصَّلٰوۃُ وَ السَّلَامُ عَلَیْكَ یَا نَبِیَّ اللہ                                                                                                     وَعَلٰی اٰلِكَ وَ اَصْحٰبِكَ یَا نُوْرَ اللہ

نَوَیْتُ سُنَّتَ الْاِعْتِکَاف                                    (ترجمہ: میں نے سُنَّت اعتکاف کی نِیَّت کی)

درود شریف کی فضیلت

فرمانِ آخری نبی، رسولِ ہاشمی  صَلَّی اللہ عَلیہ وَآلہٖ و َسَلَّم : اِذَا نَسِيْتُمْ شَيْئاً فَصَلُّوْا ‌عَلَيَّ ‌تُذَكِّرُوْهٗ اِنْ شَآءَ اللهُ تَعَالٰى جب تم کچھ بھول جاؤ تو مجھ پر درود پڑھو! اِنْ شَآءَ اللہ! بھولی ہوئی چیز یاد آ جائے گی۔^([1])

اللہ پاک ہمیں بھی کَثْرت سے درود شریف پڑھنے کی توفیق عطا فرمائے۔ ہم بہت مرتبہ چیزیں بھول جاتے ہیں، چابیاں، پیسے، ضروری کاغذات وغیرہ کہیں رکھ کر بھول جاتے ہیں، کبھی کبھی تو بولتے بولتے بھی بھول جاتے ہیں کہ آگے کیا بولنا ہے، بہت کچھ بھولتے رہتے ہیں، جب بھی ایسا کوئی مُعَاملہ ہو، فوراً درود شریف پڑھیئے! اِنْ شَآءَ اللہ الْکَرِیْم! بھولی ہوئی چیز یاد آ جائے گی۔ایک بزرگ ہوئے ہیں:قاضِی محمد سلطان عالَم مِیْر پُوری  رَحمۃُ اللہ عَلَیْہ ۔ آپ کی خِدْمت میں عُلما حاضِر ہوا کرتے تھے، دِینی مسائِل پر گفتگو ہوتی تھی، کبھی کوئی مسئلہ کتاب سے دیکھنا ہوتا تو آپ کسی کو فرماتے:فُلاں کتاب سے یہ مسئلہ تلاش کیجئے!بعض اَوْقات کافِی تلاش کے بعد بھی وہ مسئلہ نہ ملتا تو آپ کتاب بند کر کے ہاتھ میں پکڑتے، پھر