اَلْحَمْدُ لِلہِ رَبِّ الْعٰلَمِیْنَ وَالصَّلٰوۃُ وَالسَّلَامُ عَلٰی خَاتَمِ النَّبِیّٖن

اَمَّا بَعْدُ! فَاَعُوْذُ بِاللہِ مِنَ الشَّیْطٰنِ الرَّجِیْمِ  بِسْمِ اللہِ الرَّحْمٰنِ الرَّحِیْمِ

اَلصَّلٰوۃُ وَالسَّلَامُ عَلَیْکَ یَارَسُوْلَ اللہ                                                        وَعَلٰی آلِکَ وَاَصْحٰبِکَ یَاحَبِیْبَ اللہ

اَلصَّلٰوۃُ وَالسَّلَامُ عَلَیْکَ یَانَبِیَّ اللہ                                                                      وَعَلٰی آلِکَ وَاَصْحٰبِکَ یَانُوْرَ اللہ

نَوَیْتُ سُنَّتَ الْاِعْتِکَاف                                                                                                                (ترجمہ: میں نے سُنَّت اعتکاف کی نِیَّت کی)

درود شریف کی فضیلت

حضرت حُذیفہ رَضِیَ اللہُ عنہ جو صحابئ رسول ہیں، آپ کو صاحِبُ سِرِّ رسولِ اللہ یعنی رسولِ اکرم صَلَّی اللہُ عَلَیْہِ وَ آلِہٖ وَ سَلَّم کے راز دار بھی کہا جاتا ہے، آپ فرماتے ہیں: ‌اَلصَّلَاۃُ‌عَلَی ‌النَّبِيِّ صَلَّی اللہُ عَلَیْہِ وَ سَلَّم تُدْرِكُ الرَّجْلَ وَوَلَدَهٗ‌وَوَلَدَ‌وَلَدِهِ یعنی رسولِ ذیشان، مکی مَدَنی سلطان صَلَّی اللہُ عَلَیْہِ وَ آلِہٖ وَ سَلَّم پر درودِ پاک (پڑھنا ایسا بَابَرَکت عمل ہے کہ اس )کی برکتیں درود پڑھنے والے کو بھی ملتی ہیں، پِھر اس کی اَوْلاد کو بھی ملتی ہیں اور اس کی اَوْلاد کی اَوْلاد (یعنی پوتَوں اور نواسوں)  تک بھی پہنچتی ہیں۔^([1])

سُبْحٰنَ اللہ! کیسی عظیم برکتیں ہیں...! تقریباً دُنیا میں ہر والِد کواپنی اَوْلاد کی فِکْر ہوتی ہے، سب چاہتے ہیں کہ میرے بعد میری اَوْلاد کو پریشانی نہ ہو، لوگ جائیدادیں بناتے ہیں، بینک بیلنس بناتے ہیں، دِن رات محنت کر کے پیسہ جمع کرتے ہیں، کیوں؟ اپنی اَوْلاد کے روشن مستقبل کے لئے...! بہت اچھی بات ہے، اپنی اَوْلاد کی فِکْر کرنی چاہئے مگر اپنی محنتوں میں ایک محنت کامزیداِضافہ کیجئے! اگر ہم اپنے بچوں کی حفاظت چاہتے ہیں، ہم اپنے بچوں