Book Name:Jisme Pak Ke Mojizat
فرمائی ہے کہ آپ ہر وقت سب کا دُرود سماعت فرماتے ہیں۔
پیارے اسلامی بھائیو ! اب آئیے ! امامُ الانبیا ، محبوبِ خُدا صَلَّی اللہ علیہ وَآلہٖ و َسَلَّم کی مبارک آنکھوں کی شان سُنتے ہیں :
* سرکارِ عالی وقار ، مکی مدنی تاجدار صَلَّی اللہ علیہ وَآلہٖ و َسَلَّم کی مبارک آنکھیں کُشَادہ اور خوب سیاہ تھیں ( [1] ) * مبارک آنکھوں کے سفید حِصّے میں سُرخ ڈورے تھے ( [2] ) * اور آپ صَلَّی اللہ علیہ وَآلہٖ و َسَلَّم کی مبارک آنکھیں قدرتی طَور پر سُرْمَگِیںتھیں ( یعنی آپ سُرمہ اگرچہ لگاتے تھے مگر سُرمہ لگانے کی حاجت نہ تھی ) ( [3] ) * حضرت عبد اللہ بن عبّاس رَضِیَ اللہ عنہ فرماتے ہیں : پیارے آقا ، مکی مدنی مصطفےٰ صَلَّی اللہ علیہ وَآلہٖ و َسَلَّم کا بچپن مبارک تھا ، دُوسرے بچے جب نیند سے بیدار ہوتے تو اُن کے بال الجھے ہوئے اور آنکھیں نیند آلود ہوتی تھیں ، لیکن رسولِ خُدا ، احمدِ مجتبیٰ صَلَّی اللہ علیہ وَآلہٖ و َسَلَّم جب نیندسے جاگتے تو سَرِ اَقْدَس پر تیل اور آنکھوں میں سُرمہ لگا ہوتا تھا۔ ( [4] )
آقا صَلَّی اللہ علیہ وَآلہٖ و َسَلَّم کے دیکھنے کا مبارک انداز
* ہمارے پیارےنبی ، رسولِ ہاشمی صَلَّی اللہ علیہ وَآلہٖ و َسَلَّم کی عادَت مبارک تھی کہ آپ حیا سے نگاہیں جھکائے رکھتے تھے اور جب کسی کودیکھتے تو عادت مبارک تھی کہ آنکھ کے