پیارے اسلامی بھائیو !  اَلْحَمْدُ للّٰہ ! عاشقانِ رسول کی دینی تحریک دعوتِ اسلامی کے دینی ماحول میں شعبان میں بھی روزوں کی بہار ہوتی ہے ، مختلف مقامات پر سحری اجتماعات کا بھی اہتمام کیا جاتا ہے ، مَاشَآءَ اللہ ! کئی عاشقانِ رسول کثرت سے روزے رکھتے ہیں اور مسلسل روزے رکھتے ہوئے رمضان المبارک  سے مِل جاتے ہیں۔ آپ بھی دعوت اسلامی کے دینی ماحول سے وابستہ ہو جائیے اِنْ شَآءَ اللہ الْکَرِیْم ! فیضان معراج کے ساتھ ساتھ شعبان المعظم اور رمضان المبارک کی خوب خوب برکتیں نصیب ہوں گی اللہ پاک عمل کی توفیق نصیب فرمائے۔اٰمِیْن بِجَاہِ خَاتَمِ النَّبِیّٖن صَلَّی اللہ عَلَیْہِ وَ آلِہٖ وَ سَلَّم

صَلُّوْا عَلَی الْحَبیب !                                                صَلَّی اللّٰہُ عَلٰی مُحَمَّد

اعتکاف کی ترغیب

پیارے اسلامی بھائیو !  اَلْحَمْدُ للّٰہ ! ماہِ رمضان کی بھی آمد آمد ہے۔ اَلْحَمْدُ للّٰہ ! رمضان المبارک بہت برکتوں والا مہینا ،  ماہِ رحمٰن ، ماہِ نزولِ قرآن اور  ماہِ غفران ہے۔

عَجِّلْ عَجِّلْ یَارمضان                                                                                                                  جان مِری تجھ پر قربان

آ بھی جا ماہِ سُبْحٰن                                                                                                                                 جلدی جلدی آ رمضان

اللہ پاک ہمیں ماہِ رمضان دیکھنا ، اس میں خوب روزے رکھنا ، خوب عبادت کرنا نصیب فرمائے۔ ماہِ رمضان کی ایک اَہَم ترین عِبَادت اعتکاف بھی ہے۔ نفل اعتکاف تو کسی بھی وقت کیا جا سکتا ہے لیکن جو اعتکاف سنّتِ مؤکدہ ہے ، وہ رمضان المبارک میں ہی ہوتا ہے۔ پیارے آقا ، مکی مدنی مصطفےٰ صلی اللہ عَلَیْہِ وَ آلِہٖ وَسَلَّم  سے پورے ماہِ رمضان کا اعتکاف کرنا بھی ثابت ہے اور آخری عشرے کا اعتکاف تو ہمارے آقا و مولیٰ ، تاجدارِ انبیا صلی اللہ عَلَیْہِ وَ آلِہٖ وَسَلَّم  کو