میّت سے کلام ( یعنی بات  ) کرتے ہوئے کہے گا : میں اَلشُّجَاعُ الْاَقْرَع  ( یعنی گنجا سانپ )  ہوں۔اس کی آواز کڑک دار بجلی کی سی ہو گی ، وہ کہے گا : میرے رب نے مجھے حکم دیا ہے کہ نمازِ فجر ضائع کرنے پرطلوعِ آفتاب ( یعنی سورج نکلنے )  تک مارتا رہوں اور نمازِ ظہر ضائع کرنے پر عصر تک مارتا رہوں اور نمازِ عصر ضائع کرنے پر مغرب تک مارتا رہوں اور نمازِ مغرب ضائع کرنے پر عشا تک مارتا رہوں اور نمازِ عشا ضائع کرنے پر فجر تک مارتا رہوں۔ جب بھی وہ اس مُردے کو مارے گا تو وہ 70ہاتھ تک زمین میں دھنس جائے گا اور وہ قیامت تک اس عذاب میں مبتلا رہے گا ۔ * قیامت میں ملنے والی3 سزائیں :  ( 1 ) : وہ حساب کی سختی  ( 2 ) : ربِّ قہار کی ناراضی اور  ( 3 ) : جہنم میں داخلہ ہیں۔  ^{( [1] )}

ہو گی دنیا خراب ، آخرت بھی خراب                                   بھائیو ! تم کبھی چھوڑنا مت نماز

بےنمازی جہنّم کا حقدار ہے                                                                           بھائیو ! تم کبھی چھوڑنا مت نماز

قبر میں سانپ بچھو لپٹ جائیں گے                                       بھائیو ! تم کبھی چھوڑنا مت نماز

سہہ سکو گے نہ دوزخ کا ہرگز عذاب                                      بھائیو ! تم کبھی چھوڑنا مت نماز

دیکھو ! اللہ ناراض ہو جائے گا                                                                   بھائیو ! تم کبھی چھوڑنا مت نماز

 نمازِی بن جائیے !

  اے عاشقانِ رسول ! اللہ پاک ہمیں پکّا سچّا نمازی بنائے ! آج مِعْراج کی رات ہے ، آج کی رات یہ پکّی نیّت کیجئے کہ آج کے بعد میری کوئی نماز قضا نہیں ہو گی ! جماعت بھی نہیں چھوٹے گی ! پانچوں نمازیں پابندی کے ساتھ مسجد میں تکبیرِ اُوْلیٰ کے ساتھ ادا کیا کروں گا ! زندگی میں جو نمازیں چُھوٹ گئی ہیں ، ان کا بھی حساب لگا کر آج ہی سے قضا