اَذان و اِقامت کے ساتھ نماز پڑھتے ہیں

حضرتِ  علّامہ عبد الوَہّاب شَعرانی رحمۃُ اللہ عَلَیْہ   فرماتے ہیں : سرکارِ مدینہ ، راحتِ قلب و سینہ صلی اللہ عَلَیْہِ وَ آلِہٖ وَسَلَّم   اپنے مزارِ پُراَنْوار میں زِندہ ہیں اور اَذان و اِقامت کے ساتھ نَماز اَدا فرماتے ہیں ، ایسے ہی دیگر انبیائے کرام علیہم السلام   بھی نَمازادا فرماتے ہیں۔  ^{( [1] )}

63سنِ ہجری میں جب ظالِم یزیدیوں نے مدینۂ مُنوَّرہ پر چڑھائی کی ، 700صَحابۂ کرام  رَضِیَ اللہ عنہ م اورمزید عام مسلمان ملا کر تقریباًدس ہزار سے زائد حضرات شہید کئے گئے۔ مسجدنبوِی شریف کی بے حُرمتی کی گئی ، تین دن تک مسجد شریف میں لوگ نماز سے مُشَرَّف نہ ہو سکے۔اِس موقع پر مشہورتابعی بُزُرگ حضرت سَعید بن مُسَیّب رَضِیَ اللہ عنہ  مسجدِ نبوی شریف میں حاضِر رہے ، آپ رَضِیَ اللہ عنہ  فرماتے ہیں : ان دنوں میں نبئ اکرم ، رحمتِ دوعالَم صلی اللہ عَلَیْہِ وَ آلِہٖ وَسَلَّم  کی قبرِ مُبارَک سے اَذان و اِقامت کی آواز سُنتا اور اسی پر نمازیں ادا کرتا تھا۔ ^{( [2] )}

سُبْحٰنَ اللہ ! کیا شان ہے ہمارے آقا و مولا صلی اللہ عَلَیْہِ وَ آلِہٖ وَسَلَّم    کی  کہ نماز کے وقت قبرِ اَنور سے آواز آتی ہے اور یہ آواز کا آنا ثابت کرتاہے کہ ہمارے حُضور قبر اَنور میں زِندہ ہیں ، اَعلیٰ حضرت رحمۃُ اللہ عَلَیْہ   فرماتے ہیں۔

تُو زِندہ ہے وَاللہ تُو زِندہ ہے وَاللہ                                                  مِرے چَشْمِ عالَم سے چُھپ جانے والے ^{( [3] )}

اَولیاء اللہ بھی قبروں میں نماز پڑھتے  ہیں

  اے عاشقانِ رسول ! اے عاشقانِ اولیاء ! بات چلی ہے تو یہ بھی عَرض کر دوں کہ