Book Name:Aaqa Ka Safar e Meraj
علّامہ شہابُ الدِّین محمود بغدادیرَحْمَۃُ اللّٰہ عَلَیْہ فرماتےہیں : بَیْتُ الْمَقْدِسْ سے مقامِ قابَ قَوسَین تک پہنچنے میں نبیِّ کریم صَلَّی اللہُ عَلَیْہِ واٰلہٖ وَسَلَّمَ نےدس ( 10 ) منزلیں طےفرمائیں : ( 1 ) پہلا آسمان ( 2 ) دوسرا آسمان ( 3 ) تیسراآسمان ( 4 ) چوتھاآسمان ( 5 ) پانچواں آسمان ( 6 ) چھٹاآسمان ( 7 ) ساتواں آسمان ( 8 ) سِدْرَۃُ الْمُنْتَہٰی ( 9 ) مقامِ مُسْتَویٰ جہاں پر مہربان آقا صَلَّی اللہُ عَلَیْہِ واٰلہٖ وَسَلَّمَ نےقلمِ قدرت کے چلنے کی آوازیں سُنیں اور ( 10 ) عرشِ اعظم۔ ( روح المعانی ، پ۱۵ ، الاسرا ء ، تحت الایۃ : ۱ ، ۱۵/ ۱۵ ملخصاً )
صَلُّوْا عَلَی الْحَبِیْب ! صَلَّی اللہُ عَلٰی مُحَمَّد
پیارے پیارےاسلامی بھائیو ! رسولِ اکرم صَلَّی اللہُ عَلَیْہِ واٰلہٖ وَسَلَّمَ نےجہاں اللہ پاک کی دیگر کئی بڑی بڑی نشانیوں کو دیکھا ، وہیں اِس مبارَک سفر کی ایک خاص بات یہ بھی تھی کہ نبیِّ اکرم صَلَّی اللہُ عَلَیْہِ واٰلہٖ وَسَلَّمَ نےربِّ کریم کی ایک عظیمُ الشّان نشانی یعنی جنّت اور وہاں موجود نعمتوں کو بھی اپنی مبارک آنکھوں سے مُلاحَظہ فرمایا ۔آئیے ! سُنتے ہیں کہ نبیِّ کریم صَلَّی اللہُ عَلَیْہِ واٰلہٖ وَسَلَّمَ نے وہاں کیا کیا مُلاحَظہ فرمایا ، چنانچہ
حضرت علیرَضِیَ اللہُ عَنْہُسےروایت ہے ، ایک بار امیر ُالمؤمنین حضرت عُمَر فاروقِ اعظم رَضِیَ اللہُ عَنْہُ نے بارگاہِ رِسالت میں عَرْض کی : یارَسُوْلَاللہ صَلَّی اللہُ عَلَیْہِ واٰلہٖ وَسَلَّمَ ! مجھےبھی بتائیےکہ معراج کی رات آپ نےجنّت میں کیاکیادیکھا ؟ رسولِ پاک صَلَّی اللہُ عَلَیْہِ واٰلہٖ وَسَلَّمَ نے اِرْشادفرمایا : اے اِبنِ خطّاب ! اگر میں تمہارے درمیان اِتنا عَرصہ رہوں جتنا عَرصہ حضرت نُوح عَلَیْہِ السَّلام اپنی قوم میں رہے