Book Name:Aaqa Ka Safar e Meraj
سب سے پہلےصحابی عاشِقِ اَکبر امیرُالمؤمنین حضرت ابُوبَکرصِدِّیقرَضِیَ اللہُ عَنۡہُ ہیں۔یادرہے ! نبیوں اور رسولوں کے بعد انسانوں میں آپرَضِیَ اللہُ عَنۡہُ سب سے افضل ہیں۔آپرَضِیَ اللہُ عَنۡہُ کےفضائل بےشُمار ہیں ، نبیِّ کریم صَلَّی اللہُ عَلَیْہِ واٰلہٖ وَسَلَّمَ پر ایمان لانےوالے مَردوں میں سب سے پہلےآپرَضِیَ اللہُ عَنۡہُ ہی ہیں ، سفر وحضر میں رسولِ کریم صَلَّی اللہُ عَلَیْہِ واٰلہٖ وَسَلَّمَ کےساتھ رہے ، آپ صَلَّی اللہُ عَلَیْہِ واٰلہٖ وَسَلَّمَ کے ساتھ ہی ہجرت کی سعادت حاصِل کی اور اُس مقام پر جاپہنچے کہ اپنا مال ، جان ، اولاد ، وطن الغرض ہر چیز آپ صَلَّی اللہُ عَلَیْہِ واٰلہٖ وَسَلَّمَ پرقربان کردی۔یہی وجہ ہے کہ بارگاہِ الٰہی میں آپ رَضِیَ اللہُ عَنْہُ نے بہت بلندرُتبہ پایااور ڈھیروں ڈھیر انعاماتِ الٰہیہ کے حق دَار بھی قرار پائے ، چنانچہ
مِعْرَاج کی مبارک رات جب نبیِّ کریم صَلَّی اللہُ عَلَیْہِ واٰلہٖ وَسَلَّمَ جنّت میں تشریف لائے تو ریشم کےپردوں سے آراستہ ایک محل مُلاحظہ فرمایا۔آقا کریم صَلَّی اللہُ عَلَیْہِ واٰلہٖ وَسَلَّمَ نے حضرت جبرائیل عَلَیْہِ السَّلام سے پوچھا : اے جبریل ! یہ کس کے لئے ہے ؟ عرض کی : حضرت ابوبکر صِدِّیق رَضِیَ اللہُ عَنْہُ کے لئے۔ ( الرياض النضرة ، الباب الاول فى مناقب ابى بكر ، الفصل الحادى عشر ، ۲/۱۱۰ )
صَلُّوْا عَلَی الْحَبِیْب ! صَلَّی اللہُ عَلٰی مُحَمَّد
پیارے پیارےاسلامی بھائیو ! جب آقا کریم صَلَّی اللہُ عَلَیْہِ وَاٰلِہٖ وَسَلَّم سِدْرَۃُ الْمُنْتَہیٰ سے آگے بڑھے تو حضرت جبرائیل عَلَیْہِ السَّلام وہیں ٹھہر گئے اور آگے جانے سے مَعْذِرَت کرنے لگے۔ ( [1] ) پیارے نبی صَلَّی اللہُ عَلَیْہِ واٰلہٖ وَسَلَّمَ نے ارشاد فرمایا : میں نے جبریلِ امین ( عَلَیْہِ السَّلام ) سے پوچھا : کیا