کا کافی حِصَّہ باقی تھا ، آرام فرما ہوگئے ۔

جب نبیِّ اکرم صَلَّی اللہُ عَلَیْہِ واٰلہٖ وَسَلَّمَ صُبح کو بیدار ہوئے اور رات کے واقِعات قُرَیْش کے سامنے  بیان  فرمانے لگے تو قُرَیْش  کے سرداروں کو سخت تَعَجُّب ہوا یہاں  تک کہ بعض بدنصیبوں  نے رسولِ انور  صَلَّی اللہُ عَلَیْہِ واٰلہٖ وَسَلَّمَ کومَعَاذَاللہجھوٹا کہا اور بعض نے مختلف سُوالات ( Questions ) کیے ، چونکہ قُرَیش کے اکثرسرداروں نے بار باربَیْتُ الْمَقْدِس کو دیکھا تھا ، وہ یہ بھی جانتے تھےکہ رسولِ کریم  صَلَّی اللہُ عَلَیْہِ واٰلہٖ وَسَلَّمَ کبھی بھی بَیْتُ الْمَقْدِس  نہیں   گئے ہیں ، اِس لیے اِمتحان کے طور پر اُن لوگوں  نے نبیِّ کریم صَلَّی اللہُ عَلَیْہِ واٰلہٖ وَسَلَّمَ سے بَیْتُ الْمَقْدِس کے دَر و  دِیوار اور اُس کی محرابوں  وغیرہ کے بارے میں  سُوالات شروع کردئیے۔اُس وَقتاللہ پاک نےفوراً ہی آقا کریم  صَلَّی اللہُ عَلَیْہِ واٰلہٖ وَسَلَّمَ کی نگاہِ نُـبُوّت کےسامنے بَیْتُ الْمَقْدِسکی پُوری عمارت کا نقشہ پیش فرمادیا۔چُنانچہ  وہ غیر مسلم آپ صَلَّی اللہُ عَلَیْہِ واٰلہٖ وَسَلَّمَ  سے سُوال کرتےجاتے تھے اور نبیِّ اکرم صَلَّی اللہُ عَلَیْہِ واٰلہٖ وَسَلَّمَ عمارت کو دیکھ دیکھ کر اُن کے سُوالوں  کے ٹھیک ٹھیک جوابات دیتے جاتے تھے۔ ( سیرتِ مصطفی ، ص۷۳۵ملخصاً )

اللہ کی عنایت                 مرحبا          معراج کی عظمت    مرحبا         اَقْصیٰ کی شوکت             مرحبا

بُراق کی قسمت                  مرحبا          بُراق کی سُرعَت         مرحبا         نبیوں کی اِمامت            مرحبا

آقا کی رِفْعت                    مرحبا          آسماں کی سِیاحت   مرحبا         مکینِ لامکاں کی عظمت     مرحبا

صَلُّوْا عَلَی الْحَبِیْب !                                            صَلَّی اللہُ  عَلٰی مُحَمَّد

اےعاشقانِ رسول ! واقعۂ مِعراج کی تصدیق میں اِیمان کا اِمْتِحان ہے کہ مُخْتَصَر سی گھڑی میں  جاگنے کی حالت میں  جسم شریف کے ساتھ آسمان و عَرشِ اَعظم تک بلکہ عَرش سےبھی اُوپرلامکان تک تشریف لےجانا عَقْل سےبہت دور ہے ، اِسی وَجہ سےوہ لوگ جن کےدل نُورِاِیمان سے خالی تھے اُنہوں نے اِس عظیم واقعے کو نہ صرف جُھٹلایا بلکہ طرح طرح سے اِس کا مَذاق بھی اُڑایا لیکن جن کے