کو باندھتے تھے ، وہاں میں نے اُس کو باندھ دِیا پھر میں مسجدِ ( اَقْصٰی ) میں داخِل ہوا اور اُس میں دو رَکْعَت نماز ادا کی۔  ^{( [1] )}

مشہور ولیِ کامِل حضرت علّامہ مَولانا مَخْدوم محمد ہاشِم ٹھٹھوی رَحْمَۃُ اللّٰہ عَلَیْہ فرماتے ہیں : اِس نماز میں آپ صَلَّی اللہُ عَلَیْہِ واٰلہٖ وَسَلَّمَ تمام اَنْبیائےکرام عَلَیْہِمُ السَّلَام کےاِمام تھے۔ ^{( [2] )}  ( کیونکہ ) پیارےآقا صَلَّی اللہُ عَلَیْہِ واٰلہٖ وَسَلَّمَ کی بلندشان کو ظاہر کرنےکیلئے بَیْتُ الْمَقْدِس میں تمام اَنْبیائے کِرام عَلَیْہِمُ السَّلَام کو جمع کِیا گیا تھا۔ ^{( [3] )} جب آپ صَلَّی اللہُ عَلَیْہِ واٰلہٖ وَسَلَّمَ  یہاں تَشْرِیْف لائے تو اُن سب حضرات نے آپ صَلَّی اللہُ عَلَیْہِ واٰلہٖ وَسَلَّمَ کودیکھ کرخُوش آمدیدکہااورنماز کےوَقْت سب نےآپ صَلَّی اللہُ عَلَیْہِ واٰلہٖ وَسَلَّمَ کو اِمامَت کےلئےآگے کیااورآپ صَلَّی اللہُ عَلَیْہِ واٰلہٖ وَسَلَّمَ نے تمام انبیائے کِرام عَلَیْہِمُ السَّلَام کی اِمامَت فرمائی۔ ^{( [4] )}

سُبْحٰنَاللہ ! کیا خُوب نمازہےکہ تمام اَنْبیاورُسُل  نمازی بنے ، رسولِ اکرم صَلَّی اللہُ عَلَیْہِ واٰلہٖ وَسَلَّمَ اِمام اور پہلاقبلہ جائےنمازہے ، یقیناً کائنات میں ایسی نماز پہلےکبھی نہیں ہوئی ، آسمان نے ایسا نَظارہ کبھی نہیں دیکھا۔ بہر حال آج نبیِّ رحمت صَلَّی اللہُ عَلَیْہِ واٰلہٖ وَسَلَّمَ کے اَوّل اور آخِر ہونے کاراز ( Secret ) بھی کُھل گیا ، اِس راز سےبھی پَردہ اُٹھ گیا اور معنٰی روزِ روشن کی طرح واضح ہو گئے ، کیونکہ آج نبیِّ اکرم صَلَّی اللہُ عَلَیْہِ واٰلہٖ وَسَلَّمَ جوکہ سب سےآخری رسول ہیں ، پہلےکے اَنْبیا و رُسُل عَلَیْہِمُ السَّلَام کی اِمامَت فرمارہے ہیں۔

اللہ کی عنایت                 مرحبا          معراج کی عظمت    مرحبا         اَقْصیٰ کی شوکت             مرحبا

بُراق کی قسمت                  مرحبا          بُراق کی سُرعَت         مرحبا         نبیوں کی اِمامت            مرحبا