اَلْحَمْدُ لِلّٰہِ رَبِّ الْعٰلَمِیْنَ وَ الصَّلٰوۃُ وَالسَّلَامُ عَلٰی سَیِّدِ الْمُرْسَلِیْنَ ^ط

اَمَّا بَعْدُ فَاَعُوْذُ بِاللّٰہِ مِنَ الشَّیْطٰنِ الرَّجِیْمِ ^ط  بِسْمِ اللہ الرَّحْمٰنِ الرَّ حِیْم ^ط

اَلصَّلٰوۃُ وَ السَّلَامُ عَلَیْكَ یَا رَسُولَ اللہ                                                       وَعَلٰی اٰلِكَ وَ اَصْحٰبِكَ یَا حَبِیْبَ اللہ

اَلصَّلٰوۃُ وَ السَّلَامُ عَلَیْكَ یَا نَبِیَّ اللہ                                                                        وَعَلٰی اٰلِكَ وَ اَصْحٰبِكَ یَا نُوْرَ اللہ

نَوَیْتُ سُنَّتَ الْاِعْتِکَاف                                    ( ترجمہ : میں نے سُنَّت اعتکاف کی نِیَّت کی )

درودِ پاک کی فضیلت

حضرت ابو ہریرہ رَضِیَ اللہ عنہ سے روایت ہے کہ رَحْمَةٌ لِّلْعٰلَمِیْن ، شفِیْعُ الْمُذْنِبِیْن صَلَّی اللہ عَلیہ وَآلہٖ و َسَلَّم کا فرمانِ دلنشین ہے : لَا تَجْعَلُوْا بُیُوْتَکُمْ قُبُوْرًا  وَ لَا تَجْعَلُوْا قَبْرِی عِیْدًا یعنی اپنے گھروں کو قبرستان مت بناؤ اور نہ ہی میری قَبر کو عید بناؤ  وَ صَلُّوْا عَلَیَّ فَاِنَّ صَلَاتَکُمْ تَبْلُغُنِیْ حَیْثُ کُنْتُمْ اور تم چاہےجہاں بھی ہو مجھ پر درودِ پاک پڑھا کرو ، بے شک تمہارا درود مجھ تک پہنچتا ہے ۔ ^{( [1] )}

مشہور مفسّرِ قرآن ، حکیمُ الامت مفتی احمد یار خان  رَحمۃُاللہ علیہ اِس حدیثِ  پاک کے تحت فرماتے ہیں : اپنے گھروں کو قبرستان کی طرح اللہ پاک کے ذِکر سے خالی مت رکھو بلکہ فَرائض مسجدوں میں اَدا کرو اور نَوافل گھر میں۔ ( اور )  جیسے عید گاہ میں سال میں صرف 2 بار جاتے ہیں ایسے میرے مَزار پر نہ آؤ بلکہ اکثر حاضِری دیا کرو یا جیسے عید کے دن کھیل کود کے لئے میلوں میں جاتے ہیں ایسے تم ہمارے روضے پر بے اَدَبی سے نہ آیا کرو بلکہ با اَدَب رہا کرو۔ ^{( [2] )}

اَعلیٰ سے اعلیٰ رِفعت والے               بالا سے بالا عظمت والے