ماہِ رَجَب کی آمد ! مرحبا... ! !

پیارے اسلامی بھائیو ! رَجَبُ الْمُرَجَّب کا پیارا مہینا تشریف لا چکا ہے۔ یہ بہت بابرکت مہینا ہے۔ اللہ پاک کے آخری نبی ، رسولِ ہاشمی صَلَّی اللہ عَلَیْہِ وَ آلِہٖ وَ سَلَّم  نے فرمایا : رَجَبٌ شَہْرُ اللہ تَعَالٰی وَ شَعْبَانُ شَہْرِیْ وَ رَمَضَانُ شَہْرُ اُمَّتِیْ۔یعنی رجب اللہ پاک کا مہینا ہے ، شعبان میرا مہینا ہے اور رمضان میری اُمّت کا مہینا ہے۔ ^{( [1] )}  روایات میں ہے ، جب رَجَبُ الْمُرَجَّب کی آمد ہوتی تو پیارے آقا ، مدینے والے مصطفےٰ  صَلَّی اللہ عَلَیْہِ وَ آلِہٖ وَسَلَّم یہ دُعا فرمایا کرتے تھے۔ ^{( [2] )}   ( آئیے ! ہم بھی ادائے سُنّت کی نیت سے یہ دُعا پڑھ لیتے ہیں ) :

اَللّٰہُمَّ بَارِکْ لَنَا فِیْ رَجَبٍ وَّ شَعْبَانَ وَبَلِّغْنَا رَمَضَان

یعنی اے اللہ پاک ! تُو ہمارےلئے رَجَب اور شعبان میں بَرَکتیں عطا فرما اور ہمیں رَمَضان تک پہنچا۔   ^{( [3] )}

خُدا کی ہے عنایت ماہِ رمضان آنے والا ہے ہوئی مولیٰ کی رحمت ، ماہِ رمضان آنے والا ہے

مہِ رمضاں ، مہِ غفراں ، مہِ سُبْحاں ، مہِ رحماں  کھلیں گے بابِ جنّت ، ماہِ رمضان آنے والا ہے

کسی عربی شاعِر نے کہا ہے :

بَیِّضْ صَحِیْفَتَکَ السَّوْدَاءَ فِیْ رَجَبٍ                                                          بِصَالِحِ الْعَمَلِ الْمُنْجِی مِنَ اللہبِ ^{( [4] )}

وضاحت : رَجَبُ الْمُرَجَّب میں اپنا کالا کالا ، گُنَاہوں سے بھرا ہوا اَعْمَال نامہ چمکا لو... ! ! کیسے؟ نیک