فرماتے ہیں :

یَا آلَ بَیْتِ رَسُوْلِ اللّٰہِ حُبُّکُمُ                                                                                       فَرضٌ مِّنَ اللہ  فِی الْقُرْآنِ اَنْزَلَہُ

یَکْفِیْکُمْ مِنْ عَظِیمِ الْفَخْرِ  اَنَّکُمْ                                                                                مَنْ لَمْ  یُصَلِّ عَلَیْکُمْ لَا صَلَاۃَ لَہُ ^{( [1] )}

وضاحت : اے اہل بیتِ  کرام ! تمہاری محبت اللہ پاک نے قرآنِ کریم میں فرض قرار دی ہے۔ تمہیں یہ فخر کافی ہے کہ جب تک تم پر درود نہ پڑھا جائے ، نماز مکمل نہیں ہوتی۔

شعبہ روحانی علاج :

اَلْحَمْدُ لِلّٰہ دعوتِ اسلامی80 سے زائد شعبہ جات کے ذریعہ تبلیغِ دین کا کام سرانجام دے رہی ہے۔ان میں سے ایک شعبہ ” روحانی علاج “ بھی ہے ، جو شب و روز پیارے آقا ، مکی مدنی مصطفےٰ صَلَّی اللہ عَلَیْہِ واٰلِہٖ وَسَلَّمَ کی دُکھیاری اُمّت کی غمخواری کرنے میں مَصْرُوفِ عمل ہے۔ اَلْحَمْدُ لِلّٰہ   غمخواریِ اُمّت کے جذبے کے تحت  اس شعبے کی طرف سے ماہاہ لاکھوں بیماروں اور پریشان حال لوگوں میں کم  وبیش 4 لاکھ سے زائدتعویذات و اَورادِ عطّاریّہ رِضائے الٰہی کے لئے بالکل مُفت تَقْسِیم کئے جاتے ہیں۔ تعویذاتِ عطاریہ کی برکتیں فقط کسی مَخْصُوص  عَلاقے یا شہر تک ہی مَحْدُود نہیں بلکہ پاکستان کے سارے صُوبوں کے سینکڑوں شہروں میں سینکڑوں بستے لگائے جارہے ہیں ، اس کے ساتھ ساتھ پاکستان کے علاوہ دِیگر مُمالک مَثَلاً ساؤتھ افریقہ ، امریکہ ، اِنْگلینڈ ، بنگلہ دیش اور ہند وغیرہ میں بھی تعویذاتِ عطّاریہ کے سینکڑوں بستوں کی ترکیب ہے۔