Book Name:Faizan e Imam Shafi
سے پناہ مانگتے اور اپنے لئے اور تمام مسلمانوں کے لئے نجات کی دُعا کیا کرتے تھے۔ ( [1] )
حضرت ابراہیم عَلَیْهِ السَّلَام کی ایک مبارک دُعا
سُبْحٰنَ اللہ ! پیارے اسلامی بھائیو ! حضرت امام شافعی رَحْمَةُ اللّٰهِ عَلَیْه کی پاکیزہ سیرت کا یہ کیسا پیارا پہلو ہے کہ آپ رَحْمَةُ اللّٰهِ عَلَیْه صِرْف اپنے حق میں نہیں ، تمام مسلمانوں کے حق میں دُعاکیا کرتے تھے۔ یہ اللہ پاک کے خلیل حضرت ابراہیم عَلَیْهِ السَّلَام کا مبارک طریقہ ہے ، اللہ پاک نے قرآنِ کریم میں حضرت ابراہیم خلیلُ اللہ عَلَیْهِ السَّلَام کی ایک دُعا ان لفظوں میں ذِکْر فرمائی :
رَبَّنَا اغْفِرْ لِیْ وَ لِوَالِدَیَّ وَ لِلْمُؤْمِنِیْنَ یَوْمَ یَقُوْمُ الْحِسَابُ۠(۴۱) ( پارہ13 ، سورۂ ابرٰھیم : 41 )
ترجَمۂ کنزُ الایمان : اے ہمارے رب مجھے بخش دے اور میرے ماں باپ کواور سب مسلمانوں کو جس دن حساب قائم ہوگا۔
اے عاشقانِ رسول ! دُعا بہترین عِبَادت بلکہ حدیثِ پاک میں ارشاد ہوا : اَلدُّعَاءُ مُخُّ الْعِبَادَۃِ دُعا عِبَادت کا مغز ہے۔ ( [2] ) دُعا کا ایک بہترین فائِدہ یہ بھی ہے کہ دُعا مُفْت کی نیکی ہے ، اس پر کوئی پیسہ خرچ نہیں ہوتا ، کوئی محنت نہیں لگتی ، بَس دِل کی تَوَجُّہ اور زبان کی حرکت کی ضرورت ہے ، دُعا ہو جاتی ہے بلکہ زبان کو حرکت نہ دیں ، تب بھی دِل ہی دِل میں دُعا کی جا سکتی ہے۔