حکیمُ الاُمَّت حضرت مفتی احمد یار خان رَحْمَۃُ اللّٰہ عَلَیْہ اس حدیثِ پاک کے تحت اِرشاد فرماتے ہیں : قِیامت میں سب سے آرام میں وہ ہوگا ، جو حُضُور ( صَلَّی اللہُ عَلَیْہِ وَاٰلِہٖ وَسَلَّم ) کے ساتھ رہے اور حُضُور  ( صَلَّی اللہُ عَلَیْہِ وَاٰلِہٖ وَسَلَّم ) کی ہَمراہی ( صحبت ) نصیب ہونے کا ذریعہ دُرُود شریف کی کثرت ہے۔اس سے مَعْلُوم ہوا ! دُرُود شریف بہترین نیکی ہے کہ تمام نیکیوں سے جَنّت ملتی ہے اور اس سے بَزمِ جَنّت کے دُولہا صَلَّی اللہُ عَلَیْہِ واٰلِہٖ وَسَلَّمَ ( ملتے ہیں ) ۔

 ( مرآۃ المناجیح ، ۲/۱۰۰ )

صَلُّوْا عَلَی الْحَبِیْب !                                             صَلَّی اللہُ عَلٰی مُحَمّد

فرمانِ مصطفےٰ صَلّی اللہُ عَلَیْہ وآلِہ وسَلَّم : اَفْضَلُ الْعَمَلِ اَلنِّيَّۃُ الصَّادِقَۃُ سچی نیت سب سے افضل عمل ہے۔  ⁽ [1] ⁾  اے عاشقانِ رسول ! ہر کام سے پہلے اچھی اچھی نیتیں کرنے کی عادت بنائیے کہ اچھی نیت بندے کو جنت میں داخِل کر دیتی ہے۔ بیان سننے سے پہلے بھی اچھی اچھی نیتیں کر لیجئے ! مثلاً نیت کیجئے ! * عِلْم سیکھنے کے لئے پورا بیان سُنوں گا * با اَدب بیٹھوں گا * دورانِ بیان سُستی سے بچوں گا  * اپنی اِصْلاح کے لئے بیان سُنوں گا  * جو سُنوں گا دوسروں تک پہنچانے  کی کوشش کروں گا۔

صَلُّوْا عَلَی الْحَبِیْب !                                             صَلَّی اللہُ عَلٰی مُحَمَّد

پیارے پیارے اسلامی بھائیو ! آئیے ! آج کے بیان میں ہم یارِ غارو یارِ مَزار ، عاشقِ اکبر حضرت  صدِّیقِ اکبر رَضِیَ اللہُ عَنْہُ کے پاکیزہ کردار کی چند جھلکیاں اور آپ رَضِیَ اللہُ عَنْہُ کے مبارَک فرامین سنتے ہیں۔ پہلے ایک اِیمان اَفروز واقعہ سُنئے ، چنانچہ

میرے محبوب کا کِیَا حَال ہے ؟