دیا ، سرکارِ ذی وقار ، رسولوں کے تاجدار  صَلَّی اللہُ عَلیہ وَآلہٖ و َسَلّم نے تیسری مرتبہ پوچھا : آج راہِ خدا میں صدقہ کس نے دیا ہے ؟ اس پر بھی حضرت ابو بکر صِدِّیق رَضِیَ اللہُ عنہ نے کہا : یا رسول اللہ صَلَّی اللہُ عَلیہ وَآلہٖ و َسَلّم ! میں نے کیا ہے۔

یہ سن کر رسولِ اکرم نورِ مُجَسَّم صَلَّی اللہُ عَلیہ وَآلہٖ و َسَلّم  مسکرائے پھر فرمایا : اس ذاتِ پاک کی قسم جس کے قبضۂ قدرت میں میری جان ہے ! ایک دن میں ان اعمال کو ( بہت کامل ایمان والے ) مؤمن نے ہی جمع کیا اور وہ ان اعمال کے ذریعے ہی جنت میں داخل ہوا ۔ ^{( [1] )}

سُبْحٰنَ اللہ ! اللہ پاک ہمیں بھی ایسا جذبہ نصیب فرمائے۔ آمِیْن بِجَاہِ خَاتَمِ النَّبِیّٖنَ   صَلَّی اللہُ عَلیہ وَآلہٖ و َسَلّم ۔

عمل کا ہو جذبہ عطا یااِلٰہی !                  گُناہوں سے مجھ کو بچا یاالہٰی !

میں پانچوں نَمازیں پڑھوں با جماعت        ہو  توفیق  ایسی  عطا  یاالہٰی ! ^{( [2] )}

صَلُّوْا عَلَی الْحَبیب !                                                صَلَّی اللّٰہُ عَلٰی مُحَمَّد

12 دینی کاموں میں سے ایک دینی کام : ہفتہ وار مدنی مذاکرہ

پیارے اسلامی بھائیو ! صحابۂ و اَہْلِ بیت اور اولیائے کرام کا فیضان پانے ، گناہ چھوڑنے ، نیک نمازی بننے اور ایمان کی حفاظت و مضبوطی کی فِکْر پانے کے لئے عاشقانِ رسول کی دینی تحریک دعوتِ اسلامی کے دینی ماحول سے وابستہ ( Linkup )  ہو جائیے ! 12 دینی کاموں میں بھی خوب بڑھ چڑھ کر حِصّہ لیا کیجئے ، اِنْ شَآءَ اللہُ الْکَرِیْم ! دِین و دُنیا کی بےشمار بھلائیاں نصیب ہوں گی۔ 12دینی کاموں میں ایک دینی کام ہے : ہفتہ وار مدنی مذاکرہ۔