پر جتنے صحیفے اور آسمانی کتابیں نازِل فرمائیں ، ان سے کے مضامین قرآنِ کریم میں ذِکْر کر دئیے گئے اور پُورے قرآنِ کریم میں جتنے مضامین ہیں ، ان سب کا خُلاصہ سُورۂ فاتحہ میں بیان کر دیا گیا۔ ^{( [1] )}  اسی لئے سورۂ فاتحہ کو اُمُّ الْقرآن کہتے ہیں۔

سورہ  فاتحہ ؛  ہر مَرض کا علاج ہے

 * سورۂ فاتحہ کا ایک خوبصورت نام سُوْرَۃُ الشِّفَآء بھی ہے ، سرورِ عالم ، نورِ  مُجَسَّم صَلَّی اللہ عَلَیْہِ وَ آلِہٖ وَسَلَّم  نے فرمایا : فَاتِحَةُ الْكِتَابِ شِفَآءٌ مِنْ كُلِّ دَاءٍسورۂ فاتحہ ہر مَرض کا علاج ہے۔ ^{( [2] )}  

سورہ  فاتحہ پڑھ کر  دم کرنا جائز ہے... !

 * سورۂ فاتحہ کا ایک نام سورۂ رُقْیَہ بھی ہے۔ ^{( [3] )}  یعنی وہ سورت جس کے ذریعے دم کیا جاتا ہے ، ہمارے آقا و مولا ، مکی مدنی مصطفےٰ صَلَّی اللہ عَلَیْہِ وَ آلِہٖ وَسَلَّم  خود بھی سورۂ فاتحہ پڑھ کر دَمْ فرمایا کرتے تھے اور دوسروں کو بھی یہ دم سکھاتے تھے * ایک مرتبہ ایک صحابی رَضِیَ اللہ عنہ  نے بچھو کے کانٹے پر سورۂ فاتحہ پڑھ کر دم کیا ، اللہ پاک نے اس کو شِفا عطا فرمائی۔ ^{( [4] )}   * ایک صحابی رَضِیَ اللہ عنہ  کے قبیلے میں ایک پاگل شخص تھا ، جس کو لوگ زنجیروں سے باندھ کر رکھتے تھے ، صحابئ  رسول رَضِیَ اللہ عنہ  نے 3 دِن صبح و شام 3 ، 3 مرتبہ سورۂ فاتحہ پڑھ کر دم کیا ، اللہ پاک نے اُسے پاگل پن سے شِفاعطا فرما دی۔  ^{( [5] )}