فرمایا : کیا تم میں کوئی روزانہ اُحد پہاڑ کے برابر عمل کی طاقت رکھتا ہے؟عرض کیا : یا رسولَ اللہ صَلَّی اللہ عَلیہ وَآلہٖ و َسَلّم  ! روزانہ اُحد پہاڑ کے برابر عمل کی طاقت کون رکھ سکتا ہے؟ فرمایا : تم سب  اس کی طاقت رکھتے ہو۔ عرض کیا : وہ کیسے؟فرمایا : اَلْحَمْدُ لِلّٰهِ کہنا اُحد پہاڑ سے زیادہ عظمت والا ہے  ^{( [1] )}  * ایک حدیثِ پاک میں فرمایا : اَلْحَمْدُ لِلّٰهِ  تَمْلَأُ الْمِيزَانَ یعنی  اَلْحَمْدُ لِلّٰهِ  کہنا میزانِ عَمَل کو بھر دیتا ہے۔ ^{( [2] )}   یعنی  اَلْحَمْدُ لِلّٰهِ  کہنے سے اتنا ثواب ملتا ہے کہ روزِ قیامت جب یہ ثواب میزانِ عَمَل پر رکھا جائے گا تو میزانِ عَمَل بھر جائے گا۔ ^{( [3] )}

حدیثِ پاک میں ہے : ایک بندے نے اللہ پاک کی یُوں حمد کی :

يَا رَبِّ لَكَ الْحَمْدُ كَمَا يَنْبَغِي لِجَلَالِ وَجْهِكَ وَعَظِيمِ سُلْطَانِكَ

کراماً کاتبین (  جو اعمال لکھنے والے فرشتے ہیں )  وہ نہ جان سکے کہ اس نیکی کا کتنا ثواب لکھنا ہے ، آخر وہ اللہ پاک کی بارگاہ میں حاضِر ہوئے ، عرض کیا : یاربِّ کریم !  تیرے بندے نے ایسا جملہ کہا ہے ، ہم نہیں جانتے کا اُس کا ثواب کتنا لکھنا ہے؟ اللہ پاک نے فرمایا : تم اس کے اعمال نامے میں یہ جملہ لکھ دو !   روزِ قیامت جب وہ  بندہ حاضِر ہو گا ، میں خُود اس جملے کی جزاعطا کروں گا ۔ ^{( [4] )}

اَفْضَل شکر

رسولِ اکرم ، نورِ  مُجَسَّم صَلَّی اللہ عَلیہ واٰلہٖ و سَلَّم نے فرمایا : اَلْحَمْدُ لِلّٰه ِرَاْسُ الشُّكْر یعنی  اَلْحَمْدُ لِلّٰهِ  کہنا  شکر کی اصل ہے۔ ^{( [5] )}  ایک روایت میں ہے : اگر کسی شخص کو ساری دنیا عطا کر دی جائے