صَلّی اللہ عَلَیْہِ وَآلِہٖ وَسَلَّم نے یہاں شوربہ فرمایا گوشت کا ہو یا کسی اور چیز کا۔ دوسرے یہ کہ ہر پڑوسی کو تحفہ دینا چاہئے قریب ہو یا دُور ، اگرچہ قریب کا حق زیادہ ہے ، تیسرے یہ کہ ہمیشہ لذت پر اُلفت و محبت کو ترجیح دینی چاہئے کیونکہ جب شوربے میں فقط پانی پڑے گا تو مزہ کم ہو جائے گا لیکن اس کے ذریعے پڑوسیوں سے تعلقات زیادہ ہو جائیں گے ، اسی لئے سرکارِ عالی وقار ، مکی مدنی تاجدار صَلّی اللہ عَلَیْہِ وَآلِہٖ وَسَلَّم نےمَاءَھَا فرمایا یعنی صِرف پانی ہی بڑھا دو اگرچہ گھی اور مصالحہ  نہ بڑھا سکو۔  ^{( [1] )}

پیارے اسلامی بھائیو ! اس حدیثِ پاک سے ہمیں ایک اور بھی دَرْس ملتا ہے وہ یہ کہ پڑوسیوں کے گھر تحفہ بھیجنے کا کوئی خاص وقت مقرر نہیں ہے ، ہمارے ہاں عُمُوماً عید ، شبِ براءَت وغیرہ کے موقع پر پڑوسیوں کے ہاں کھانا ، حلوہ پُوری وغیرہ چیزیں بھجوائی جاتی ہیں مگر عام دِنوں میں پڑوسیوں کا خیال کم آتا ہے ، بےشک عید ، شبِ براءَت اور دیگر اَہَم مواقع پر پڑوسیوں کے ہاں چیزیں ضرور بھجوائی جائیں ، اس کے ساتھ ساتھ عام دِنوں میں بھی بھجوائی جائیں، اِنْ شَآءَ اللہ الْکَرِیْم ! اس کی برکت سے آپس میں محبت بڑھے گی۔   

پڑوسی کے چند حقوق کا بیان

شہنشاہِ مدینہ ، راحتِ قلب و سینہ صَلّی اللہ عَلَیْہِ وَآلِہٖ وَسَلَّم نے فرمایا : جانتے ہوپڑوسی کا حق کیا ہے؟ پھر فرمایا : * اگر وہ تم سے مدد چاہے تو اس کی مدد کرو * اگر تم سے قرض مانگے تو اسے قرض دو * اگر وہ محتاج ہو تو اس کی حاجت پُوری کرو * اگر بیمار ہو جائے تو اس کی عیادت کرو * اگر وہ فوت ہو جائےتو اس کے جنازے میں شرکت کرو * اگر اسے کوئی