Book Name:Parosi ki Ahmiyat
صَلُّوْا عَلَی الْحَبیب ! صَلَّی اللہ عَلٰی مُحَمَّد
فرمانِ مصطفےٰ صَلّی اللہ عَلَیْہ وآلِہ وسَلَّم : اَفْضَلُ الْعَمَلِ اَلنِّيَّۃُ الصَّادِقَۃُ سچی نیت سب سے افضل عمل ہے۔ ( [1] ) اے عاشقانِ رسول ! ہر کام سے پہلے اچھی اچھی نیتیں کرنے کی عادت بنائیے کہ اچھی نیت بندے کو جنت میں داخِل کر دیتی ہے۔ بیان سننے سے پہلے بھی اچھی اچھی نیتیں کر لیجئے ! مثلاً نیت کیجئے ! * عِلْم سیکھنے کے لئے پورا بیان سُنوں گا * با اَدب بیٹھوں گا * دورانِ بیان سُستی سے بچوں گا * اپنی اِصْلاح کے لئے بیان سُنوں گا * جو سُنوں گا دوسروں تک پہنچانے کی کوشش کروں گا۔
صَلُّوْا عَلَی الْحَبیب ! صَلَّی اللہ عَلٰی مُحَمَّد
نیک پڑوسی کی برکت سے شفا مل گئی
عُلَمائے کرام فرماتے ہیں : بصرہ میں ایک شخص رہتا تھا ، اس کی ایک بیٹی مَعْذور تھی ، اس کا ایک پڑوسی بہت نیک دِل اور مالدار تھا ، وہ نیک پڑوسی ہر سال عاشُوراء ( یعنی 10 محرم ) کی رات لوگوں کو اپنے گھر میں جمع کر کے محفل سجاتا ، سب مل کر قرآنِ کریم کی تلاوت کرتے ، اللہ پاک کا ذِکْر ہوتا ، پھر وہ شخص سب کو کھانا پیش کرتا ، مسکینوں کی خبر گیری کرتا ، بیواؤں اور یتیموں سے بھی اچھا سلوک کیاکرتا تھا۔ ایک مرتبہ مَعْذور بچی نے اپنے والِد سے پوچھا : ابّو جان ! ہمارا پڑوسی ہر سال اس رات لوگوں کو جمع کیوں کرتا ہے؟ والِد نے