پیارے اسلامی بھائیو!اَلْحَمْدُ لِلّٰہ  حضرت  عیسیٰ عَلَیْہِ السَّلَام کی والِدۂ ماجِدہ رَضِیَ اللہُ  عَنْہا ایک باکَرَامَت وَلِیَّہ تھیں اور اللہ پاک نے اُنہیں بھی کئی خُصُوصِیَّات  ( Specialities )  سے  نَوازا تھا ۔آئیے! ہم بھی اُس عظيم ماں کا مُخْتَصَرتَعَارُف سُنتے ہیں ، چُنانچہ

آپ عَلَیْہِ السَّلَام کی والِدہ کا تعارُف

حضرت  عیسیٰ عَلَیْہِ السَّلَام کی والِدہ کا نام حضرتمَرْیَم رَضِیَ اللہُ  عَنْہاہے ، مَرْیَم کے معنیٰ عابِدہ  اور خادِمہ ہیں۔ ( تفسیر بغوی ، اٰل عمران ، تحت الآیۃ : ۳۶ ، ۱ / ۲۲۷ ) حضرت مَرْیَم رَضِیَ اللہُ   عَنْہَاکے والِد کا نام عِمرَان اوروالِدہ کانام حَنَّہ ( رَضِیَ اللہُ  عَنْہُما ) تھا۔ ( عجائبُ القران مع غرائب القران ، ص۶۵ )  حضرت مَرْیَم رَضِیَ اللہُ   عَنْہَا مادَر زاد وَلِیَّہ تھیں۔ ( صراط الجنان ، ۱۰ / ۶۰۵ ) حضرت مَرْیَم رَضِیَ اللہُ   عَنْہَا کے سِوا کسی عَوْرَت کا نام قُرآنِ کَرِیْم میں  نہیں  آیا۔ ( صراط الجنان ، ۱۰ / ۲۳۱ )  حضرت مَرْیَم رَضِیَ اللہُ  عَنْہا  جَنّتی عَوْرَتوں کی سَردار ہیں ، چُنانچہ رَسُوْلُ الله صَلَّی اللہُ  عَلَیْہِ واٰلِہٖ وَسَلَّمَنے فرمایا : جَنّتی عَوْرَتوں کی سَردار چار ( 4 ) عَوْرَتیں ہیں : ( 1 )  مَرْیَم  ( 2 )  فَاطِمَہ  ( 3 ) خَدِیْجہ اور ( 4 ) آسِیَہ ( رَضِیَ اللہُ  عَنْہُنَّ اَجْمَعِیْن ) ۔ ( كنز العمال ، کتاب الفضائل ، الفصل الثالث فى جامع مناقب النساء ، ۱۲ / ۶۵ ، حديث : ۳۴۴۰۱ )

اعلیٰ حضرت ، اِمامِ اَہلسُنّت مَوْلانا شاہ اَحمد رضا خانرَحْمَۃُ اللّٰہ ِ عَلَیْہ فرماتے ہیں : عیسٰی کَلِمَۃُ اللہ  عَلَیْہِ الصَّلٰوۃُ وَالتَّسْلِیْم کی وِلادت کےبعدبھی حضرت طَیِّبَہ ، طاہِرہ مَرْیَم ( رَضِیَ اللہُ  عَنْہا )  بِکْر  ( کنواری )  تھیں ، بِکْر  ( کنواری )  ہی رہیں اوربِکْر ( کنواری ) ہی اُٹھیں گی اور بِکْر  ( کنواری )  ہی جَنَّتُ النَّعِیْم میں داخِل ہوں گی یہاں تک کہ حُضورپُرنُور ، سَیِّدُالْمُرْسَلِیْن صَلَّی اللہُ  عَلَیْہِ واٰلِہٖ وَسَلَّمَ وَعَلَیْہِمْ اَجْمَعِیْن کے  نِکاحِ اَقْدَس سے مُشَرَّف ہوں گی۔ ( فتاویٰ رضویہ ، ۲۶ / ۴۶۰ )

سُبْحٰنَ اللہ ! آپ نے سُنا کہاللہ  کے پیارےنَبِی حضرت  عیسیٰعَلَیْہِ السَّلَام کی والِدۂ ماجِدہ کس قَدَر بُلند ہِمَّت اور عالیشان خاتون تھیں کہ جن کے فضائِل اَحادیثِ کَرِیْمہ میں مَوْجُود ہیں اور جنہیں جَنَّتُ