یاد        رکھ        تُو          بندہ        ہے       مہماں       نہیں

غفلت        و      سستی         تجھے           شایاں        نہیں

بندگی           کر              تُو           اگر          ناداں         نہیں

ایک       دِن       مرنا        ہے        آخر         موت          ہے

کر      لے       جو        کرنا        ہے         آخر     موت     ہے

صَلُّوْا عَلَی الْحَبیب !                                                صَلَّی اللّٰہُ عَلٰی مُحَمَّد

نمبر2 : دوسرا کام جو آخِرت پر اِیْمان کا تقاضا ہے ، وہ یہ کہ :

وَّ لَا یُشْرِكْ بِعِبَادَةِ رَبِّهٖۤ اَحَدًا۠ ( ۱۱۰ )

ترجمۂ کنزالایمان : اور اپنے ربّ کی عبادت میں کسی کو شریک نہ کرے ۔

تفسیر قرطبی میں ہے : مُفَسِّرین کا اِتِّفاق ہے کہ اس آیت میں شِرْک سے مُراد رِیاکاری ہے۔ ^{( [1] )}  مطلب یہ کہ جو بندہ آخرت پر اِیْمان رکھتا ہے وہ نیکیاں تو کرے ہی کرے * عِبَادت تو کرے ہی کرے * نمازیں بھی پڑھے * روزے بھی رکھے * تِلاوت بھی کرے * صدقہ و خیرات بھی کرے * قرآنِ پاک اور سُنَّتِ مصطفےٰ کے سائے میں شریعت کے مُطَابق زِندگی بھی گزارے * اس کے ساتھ ساتھ آخِرت پر ایمان کا یہ بھی تقاضا ہے کہ بندہ رِیاکاری سے ہر دَم بچتارہے اور نیک کام صِرْف اور صِرْف اللہ پاک کی رِضا کے لئے کیا کرے۔ 

اِخْلاص عطا کر دو ! اور خُلق بھلا کر دو        بُلوا کے شہنشاہِ ابرار مدینے میں

ریاکاری شرکِ اَصْغر ہے

پیارے اسلامی بھائیو !  اس آیت سے ایک تو یہ بات معلوم ہوئی کہ آخِرت میں نجات