بچائیں۔

پیارے پیارے اسلامی بھائیو ! اگر ہم عاشقانِ رسول کی  دینی تحریک دعوتِ اسلامی کے  دینی ماحول سے وابستہ رہیں گے تو نہ صرف  عشقِ مُصْطَفٰے نصیب ہوگا بلکہ اس کے تقاضے پورے کرنے کی سوچ بھی نصیب ہوگی۔اللہ کریم ہم سب کو دعوتِ اسلامی کے  دینی ماحول سے ہر دم وابستہ رہنے کی توفیق عطا فرمائے۔اٰمِیْن بِجَاہِ النَّبِیِ الْاَمِیْن  صَلَّی اللہُ عَلَیْہِ واٰلِہٖ وَسَلَّمَ

صَلُّوْا عَلَی الْحَبِیْب !                                                صَلَّی اللہُ عَلٰی مُحَمَّد

چلنے کی سُنّتیں اور آداب

پیارے پیارے اسلامی بھائیو ! آئیے ! امیرِ اہلسنّت حضرت علامہ مولانا محمد الیاس عطار قادری دَامَتْ بَـرَکاتُہُمُ الْعَالِیَہ کے رسالے ” 163مَدَنی پھول “ سے چلنے کی سُنّتیں اور آداب سنتے ہیں : پارہ15سورہ ٔ بنی اِسْرائیل کی آیت نمبر37میں ارشادِ باری ہے :

وَ لَا تَمْشِ فِی الْاَرْضِ مَرَحًاۚ-اِنَّكَ لَنْ تَخْرِقَ الْاَرْضَ وَ لَنْ تَبْلُغَ الْجِبَالَ طُوْلًا(۳۷)   ( پ۱۵ ، بنی اسرائیل : ۳۷ )

ترجَمۂ کنز العرفان : اور زمین میں اِتراتے ہوئے نہ چل بیشک توہر گز نہ زمین کو پھاڑ دے گا اور نہ ہرگز بلندی میں پہاڑوں کو پہنچ جائے گا۔

 * فرمانِ مصطَفٰے  صَلَّی اللہُ عَلَیْہِ واٰلِہٖ وَسَلَّمَ ہے : ایک شَخْص دو ( 2 )  چادریں اَوڑھے ہوئے اِترا کر چل رہا تھا اور گھمنڈ میں تھا ، تو اللہ  پاک نے اسے زمین میں دھنسادیا ، وہ قِیامت تک دھنستا ہی جائے گا۔ ^{( [1] )  *} مَدَنی آقا صَلَّی اللہُ عَلَیْہِ واٰلِہٖ وَسَلَّمَ چلتے تو تھوڑا آگے جھک کر چلتے گویا کہ آپ  صَلَّی اللہُ عَلَیْہِ واٰلِہٖ وَسَلَّمَ بُلندی