Book Name:Duniya Nay Hamen Kya Diya
بعد اس حال میں دیکھاکہ اگر میں چاہتا تو بغیر چُھوئے ہوئے ان کی پسلیوں کو گِن سکتا تھا ۔ آپ کےغلام فرماتےہیں کہ ایک دن میں اپنےآقا امیرُالمومنین کےپاس آیا تو آپ مسور کی دال تناول فرمارہے تھے ، میں نے کہا : کُلَّ یَومٍ عَدَسٌ ! یعنی روز روزدال ! آپ کی زوجہ محترمہ نےفرمایا : ہَذَاطَعَامُ مَولَاکَ اَمِیْرِ الْمُؤْمِنِیْن ! یعنی تمہارے آقا امیرالمؤمنین رَضِیَ اللّٰہُ عَنْہُ کی یہی غذا ہے۔ ( [1] )
سُبْحٰنَ اللہ ! قربان جائیے ! امیرالمومنین حضرت عُمر بن عبدُالْعَزِیْز رَحْمَۃُ اللّٰہ عَلَیْہ کی دُنیا سےبے رغبتی پر ! جواتنی بڑی سَلْطَنت کےخلیفہ ہوتےہوئےبھی سادہ غذا اِستعمال فرماتے تھے ، لہٰذاہمیں بھی چاہئےکہ ہم بھی اللہ والوں کےنقشِ قدم پرچلتے ہوئے سادگی اپنائیں اور دال سبزی بھی خوشی خوشی کھالیاکریں۔اَلْحَمْدُ لِلّٰہ ! مسور کی دال کی تو کیا شان ہے کہ حدیثِ پاک میں اسے برکت والی چیز قرار دیا گیا ہے چنانچہ رسولِ اکرم صَلَّی اللہ عَلَیْہِ وَاٰلِہٖ وَسَلَّم نے فرمایا : تم مسور ضرور کھایا کرو کیونکہ یہ برکت والی چیز ہے۔ جو دل کو نرم کرتی اور آنسوؤں کو بڑھاتی ہے۔اس میں 70انبیائے کرام عَلَیْہِ السَّلَام کی برکات شامل ہیں ، جن میں حضرت عیسیٰ عَلَیْہِ السَّلَام بھی شامل ہیں۔ ( [2] )
اما م ثعلبی رَحْمَۃُ اللّٰہ عَلَیْہ فرماتےہیں کہ حضرت عُمر بن عبدُالْعَزیز رَحْمَۃُ اللّٰہ عَلَیْہ ایک دن زیتون ، ایک دن گوشت اور ایک دن مسور کی دال سے روٹی تَناوُل فرماتے ۔ایک بُزرگ رَحْمَۃُ اللّٰہ عَلَیْہ