اللہُمَّ صَلِّ عَلٰی سَیِّدِ نَا وَمَوْلَانَا مُحَمَّدٍ وَّعَلٰی اٰلِہٖ وَسَلِّمْ

حضرتِ  انس رَضِیَ اللہُ  عَنْہ سے روایت ہے کہ تاجدارِمدینہ صَلَّی اللہُ  عَلَیْہِ واٰلہٖ وسلَّم نے فرمایا : جو شَخْص  یہ دُرُودِ پاک پڑھے اگر کھڑا تھا تو بیٹھنے سے پہلے اور بیٹھا تھا تو کھڑے ہونے سے پہلے اُس کے گُناہ مُعاف کردیئے جائیں گے ۔ ^{( [1] )}  

 ( 3 ) رَحْمت کے ستّر دروازے

صَلَّی اللہُ عَلٰی مُحَمَّد

جویہ دُرُودِ پاک پڑھتا ہے اُس پر رَحْمت کے 70 دروازے کھول دئیے جاتے ہیں۔ ^{( [2] )}

 ( 4 ) چھ ( 6 )  لاکھ دُرُودشریف کاثواب

اَللّٰھُمَّ صَلِّ عَلٰی سَیِّدِنَامُحَمَّدٍعَدَدَمَافِیْ عِلْمِ اللّٰہِ  صَلَاۃً دَآئِمَۃً  ۢبِدَوَامِ مُلْکِ اللّٰہ

حضرت اَحْمدصاوِی رَحْمَۃُ اللہِ  عَلَیْہ بَعْض بُزرگوں سے نَقْل کرتے ہیں : اِس دُرُود شریف کو ایک بارپڑھنے سے چھ ( 6 )  لاکھ دُرُودشریف پڑھنے کاثواب حاصِل ہوتا ہے۔ ^{( [3] )}  

 ( 5 ) قُربِ مُصْطَفٰے  صَلَّی اللہُ  عَلَیْہِ واٰلہٖ وسلَّم

اللہُمَّ صَلِّ عَلٰی مُحَمَّدٍکَمَا تُحِبُّ وَتَرْضٰی لَہٗ

ایک دن ایک شَخْص آیا تو حُضُورِ اَنْور صَلَّی اللہُ  عَلَیْہِ واٰلِہٖ وَ سَلَّمَ نے اُسے اپنے اور صِدِّیْقِ اکبر رَضِیَ اللہُ  عَنْہ کے درمِیان بِٹھا لِیا۔ اِس سے صَحابَۂ کرام   رَضِیَ اللہُ  عَنْہم  کو تَعَجُّب ہوا کہ یہ کون ذِی مَرتبہ ہے ! جب وہ چلا گیا تو سرکار صَلَّی اللہُ  عَلَیْہِ واٰلہٖ وسلَّم نے فرمایا : یہ جب مُجھ پر دُرُودِ پاک پڑھتا ہے تو یوں پڑھتا ہے ۔ ^{( [4] )}