Book Name:Kamyab Tajir Kay Ausaf
یاد رکھئے ! دُنیا میں کوئی بھی کام بغیر محنت نہیں ہوتا ، مگر تجارت سخت محنت ، چُستی اور ہوشیاری چاہتی ہے ، کاہل سُست آدمی کبھی کسی کام میں کامیاب نہیں ہوسکتا ۔ مِثل مشہور ہے کہ بغیر محنت تو لقمہ بھی مُنہ میں نہیں جاتا ، تا جر خواہ کتنا ہی بڑا آدمی بن جائے ، مگر سارے کام نوکروں پر ہی نہ چھوڑدے ۔ بعض کام خُودبھی کرے ۔
تاجر کیلئے ایک اَہَم وَصْف حُسنِ اخلاق کا پیکر ہونا بھی ہے ، یُوں توہر مسلمان کو خُوش اخلاق ہونا ہی چاہیے ، مگرتا جر کو خُصُوصیّت سے خُوش خلقی ضروری ہے ، جبکہ بَد اخلاق اور بد مزاج شخص سے لوگ کتراتے ہیں اور ایسوں کے پاس جو گا ہک ایک بار جاتاہے دو بارہ جانا گوارہ نہیں کرتا ۔
تاجر کو نیک چلن ، دیا نتدارہونا بھی بہت ضروری ہے ، بَد چلن ، بدمَعاش ، حرام کھانے والا تجارت میں کیسے کامیاب ہوسکتا ہے ؟
اسی طرح ایک کامیاب تاجر بننے کے لئے ضروری ہے کہ جلد با ز یا نا واقف ( غیر تجربہ کار ) نہ ہو۔بعض تاجردُکان / کاروبار شروع کرتے ہی لکھ پَتی بننا چاہتے ہیں ، اگر دو ( 2 ) دن بِکْری ( سیل ) نہ ہویاکچھ نقصان ہوجائے تو فوراً بد دل ہوکر دُکان / کاروبار چھوڑبیٹھتے ہیں ۔ ایسا نہیں ہونا چاہیے۔
ناواقف تاجر معمولی کا رو بار پر بہت خرچ بڑھالیتے ہیں۔ ان کی چھوٹی سی دُکان اتنا خرچ نہیں اُٹھاسکتی ،