دُنيا ته په آخِرت باندې ترجيح مه ورکوئ!

په 25 سيپاره، سورۀ شُوریٰ، آيت: 20 کښې الله پاک ارشاد فرمائي:

مَنۡ کَانَ یُرِیۡدُ حَرۡثَ الۡاٰخِرَۃِ  نَزِدۡ لَہٗ فِیۡ حَرۡثِہٖ ۚ   وَ مَنۡ کَانَ یُرِیۡدُ حَرۡثَ الدُّنۡیَا نُؤۡتِہٖ  مِنۡہَا وَ مَا لَہٗ  فِی الۡاٰخِرَۃِ مِنۡ نَّصِیۡبٍ(۲۰)  (پارہ:25 ،سورۂ شوریٰ :20)

ترجمۀ کنزُ الايمان: څوک چې د آخِرت پَټے غواړي مونږ به د هغه د پاره د هغه پَټے زيات کړو او څوک چې د دنيا پَټے غواړي مونږ به هغه له په هغې کښې څه ورکړو او په آخِرت کښې د هغه هيڅ حِصه نشته۔

صحابئ رسول، سلطانُ المُفَسِّرين حضرت عبد الله بن عبّاس رَضِىَ اللهُ عَـنْهُ د دې آيت په تفسير کښې فرمائي: کوم بنده چې دُنيا ته په آخِرت باندې ترجيح ورکړي (مثلاً د دنيا د مستقبل فِکر خو کوي خو په آخِرت کښې د کاميابئ فِکر نه کوي) د هغه د پاره په آخِرت کښې هيڅ حِصه نشته، آؤ! د هغه د پاره دوزخ دے۔ د دې سره سره دا وبال هم دے چې (د دنيا د مستقبل د پاره) د هغه د فِکرونو کولو به هيڅ نتيجه نه راوځي، هغه ته به په دنيا کښې صِرف هغه څه ورکولے شي، کوم چې د مخکښې نه ليکلے شوي دي۔^([1])

د دنيا فِکرونه پريږدئ! د آخِرت د پاره فارغ شئ!

د صحابئ رسول حضرت ابو هريره رَضِىَ اللهُ عَـنْهُ نه روايت دے، د الله پاک آخِري نبي، رسولِ هاشمي صَلَّى اللهُ عَلَيْهِ وَاٰلِهٖ وَسَلَّم د 25 سيپارې د سورۀ شُوریٰ د دې آيت تلاوت اوفرمائيلو:

مَنۡ کَانَ یُرِیۡدُ حَرۡثَ الۡاٰخِرَۃِ  نَزِدۡ لَہٗ فِیۡ حَرۡثِہٖ ۚ      (پارہ:25 ،سورۂ شوریٰ :20)

ترجمۀ کنزُ الايمان: څوک چې د آخِرت پَټے غواړي مونږ به د هغه د پاره د هغه پَټے زيات کړو۔

بيا ئې اوفرمائيل: الله پاک فرمائي: اے د آدم اولاده! (د دنيا فِکرونه پريږدئ او) د عبادت د پاره فارغ شئ! ستاسو سينه به د مالدارئ نه ډکه کړے شي او که چرې تاسو داسې نه کوئ (مثلاً د دُنيا فِکرونه کوئ، صِرف د دنيا د مستقبل په سوچونو کښې ئيئ) نو ستاسو زړه به د مصروفياتو (مثلاً د دنيا د مشغولو) نه ډک کړے شي۔ ^([2])