اللہ پاک ہمیں خُوب دِل کھول کر راہِ خُدا میں خرچ کرنے اور خدمتِ دِین کے لئے بڑھ چڑھ کر دعوتِ اسلامی کا ساتھ دینے کی توفیق عطا فرمائے۔ آمین بِجَاہِ خَاتَمِ النَّبِیِّیْن  صَلَّی اللہ عَلَیْہِ وَ آلِہٖ وَسَلَّم ۔   

دعوتِ اسلامی کی قَیُّوم ، سارے جہاں میں مچ جائے دُھوم

اس پہ فِدا ہو بچہ بچہ یااللہ! مری جھولی بھر دے

صَلُّوْا عَلَی الْحَبِیْب!                                                                    صَلَّی اللہ عَلٰی مُحَمَّد

پیارے اسلامی بھائیو! بیان کو اِختتام کی طرف لاتے ہوئے سُنّت کی فضیلت اور چند آدابِ زندگی بیان کرنے کی سَعَادت حاصِل کرتا ہوں۔ تاجدارِ رسالت ، شہنشاہِ نبوت  صَلَّی اللہ عَلَیْہِ وَاٰلِہٖ وَسَلَّم نےفرمایا : مَنْ تَمَسَّكَ بِسُنَّتِيْ عِنْدَ فَسَادِ اُمَّتِيْ فَلَهُ اَجْرُ مِائَةَ شَهِيْدٍ یعنی اُمت کے فساد کے وقت جو شخص میری سنت پر مضبوطی سے عمل کرے گا اسے سو شہیدوں کا ثواب عطا ہو گا۔ ⁽ [1] ⁾

ہر کام شریعت کے مطابِق میں کروں کاش!  یارب تو مبلغ مجھے سُنّت کا بنا دے ^{( [2] )}

صَلُّوْا عَلَی الْحَبیب!                                               صَلَّی اللّٰہُ عَلٰی مُحَمَّد

چلنے کی سنتیں اور آداب

فرمانِ آخری نبی ، رسولِ ہاشمی صَلَّی اللّٰہُ  عَلَیْہِ واٰلِہٖ وَسَلَّمَ  : ایک شخص 2 چادریں اَوڑھے ہوئے اِترا کر یعنی اکڑتا ہوا چل رہا تھا اور گھمنڈ  ( یعنی تکبر )  میں تھا ، وہ زمین میں دھنسا دیا گیا ، وہ قیامت تک دھنستا ہی جائے گا۔ ^{( [3] )}