Book Name:Wah Kya Baat Hai Ghous e Azam Ki
اب تک باقی ہے۔ ( [1] )
صَلُّوْا عَلَی الْحَبِیْب ! صَلَّی اللّٰہُ عَلٰی مُحَمَّد
پیارے اسلامی بھائیو ! یہ ہیں حضور غوث پاک رَحمۃُ اللہ علیہ کے مبارک وجود کی برکتیں۔ یقیناً ہم یہ سوچتے ہوں گےکہ حضورغوث ِ پاک رَحْمَۃُ اللّٰہ عَلَیْہ کو اس قدر شان و عظمت اور بلند مرتبہ کیسے نصیب ہو اہے ، تو یادرکھئے ! جو لوگ اپنی زندگی ر بِّ کریم کی اطاعت و فرمانبرداری میں گزارتے ہیں ، تو اللہ پاک انہیں اپنی حقیقی محبت عطا فرماتاہے اور انہیں کئی کرامات سے نوازتاہے یہی وجہ تھی کہ
* ہمارےغوثِ پاک رَحْمَۃُ اللّٰہ عَلَیْہ کی زندگی کا ہر ہر لمحہ شریعتِ مطہرہ پر عمل کرتے ہوئے گزرتا تھا *ہمارےغوثِ پاک رَحْمَۃُ اللّٰہ عَلَیْہ فرائض و واجبات کی پابندی فرمایا کرتے تھے * ہمارےغوثِ پاک رَحْمَۃُ اللّٰہ عَلَیْہ نے پیدا ہوتے ہی روزہ رکھ لیا تھا * ہمارے غوثِ پاک رَحْمَۃُ اللّٰہ عَلَیْہ کی جب 4یا 5 برس کی عمر میں بِسْمِ اللہ خوانی کی رسم ادا کی گئی تو آپ نے تَعَوُّذْ ( اَعُوْذُبِاللہ مِنَ الشَّیْطٰنِ الرَّجِیْم ) اور تَسْمِیَہ ( بِسْمِ اللہ الرَّحْمٰنِ الرَّحِیْم ) کے بعد18پارےزبانی سُنادئیےاورفرمایا : میری ماں ( رَحْمَۃُ اللّٰہ عَلَیْہا ) کو بھی اِتنا ہی یاد تھا ، وہ پڑھاکرتی تھیں تو میں نےسُن کر یادکرلیا۔ ( [2] ) * ہمارےغوثِ پاک رَحْمَۃُ اللّٰہ عَلَیْہ نے 40سال ( Forty years ) تک عشاکےوضو سےفجرکی نماز ادا فرمائی * ہمارے غوثِ پاک رَحْمَۃُ اللّٰہ عَلَیْہ جب بےوضو ہوتےتواُسی وقت وضو فرماکر2 رکعت نمازنفل پڑھ لیا